Chrëschtfeier bäim FC Berdenia Berbourg

Vun enger Handvoll Spiller gutt organiséiert, hunn d'1. an 2. Equipe an de Comité vum F.C.Berdenia hier Chrëschtfeier ofgehal. An enger flotter Ambiance mat engem gudden Buffet geliwwert vum Restaurant Le Grillon vun Uesweiler, ass bis an den freien Moien di sportlech gutt verlafen Virronn fir béid Equipen gefeiert ginn. Gewosst ass och dass déi 1. Equipe nach vill schaffen muss fir an der 1 Divisioun ze bleiwen,an wann déi 2. Equipe opsteigen well, och nach vill Aarbecht usteet.

 

Ech well vun dëser Geleeënheet profitéieren an all deenen Leit Merci soen, di eise Veräin ënnerstëtzen, ouni sie wier villes net méiglech, och en grousse Merci un meng Kollegen aus dem Comité, di vill Stonnen an den Veräin investéieren, an och all eisen Traineren di en richteg gudden Job maachen am Senior esou wie am Jugendberäich.

 

Elo freeën ech mech nach op eng kleng Chrëschtfeier vun eiser Jugendkommissioun, wou eis Minimes den Opstieg gepackt hunn, (Gratulatioun vun eiser Säit a weider esou), an dann maachen mer eng kleng wuelverdéngten Pause. Nach emol en decke Merci un di Jongen, di mat vill Engagement deen Owend vum 03.12. erméiglecht hunn.

 

Ech wënschen Iech alleguer schéin Feierdeeg an e feuchtfröhlechen Rutsch an d'Joer 2012, duerno eng gutt Gesondheet an erfollegräicht Joer fir iech an eisen F.C.Berdenia.

 

Marc Kubica

President F.C.Berdenia Berbourg

Share |