Di

18

Jul

2017

Pupillestrainer gesicht

D'Entente Biwer/Berbourg/CSG sicht fir d'Saison 2017/2018 en engagéierten Trainer/Trainerin fir séng Pupilles-Equipe.

 

 

Wien sech duerfir interesséiert, ka sech gären beim Christian Bamberg  (691 680 700; bamberg_christian@yahoo.de) mellen.

 

Mo

17

Jul

2017

Seniors 1: Virbereedungsmatcher op déi nei Saison

Coupe Armand Bichler / Biwer

Mëttwoch, 19.07.17

19.15 h FCBB - CS Grevenmacher

20.15 h FCBB - Syra Mensdorf

Sondeg, 23.07.17 Finallen

 

Turnéier St. Mathias Trier

Samsdeg, 29.07.17

19.00 FCBB - Sg Ehrang

Sonndeg, 30.07.17 Finallen

 

Donneschdeg, 3.08.17, 19.30 h FCBB - FC Marisca Mersch

Dënsdeg, 8.08.17, 19.30 h FCBB - FC Jeunesse Canach

 

Coupe Rénert zu Berbourg

Donneschdeg, 10.08.17

19.30 h USBC 01 - FC Jeunesse Biwer

20.20 h UMW - USBC 01

21.10 h Fc Jeunesse Biwer - UMW

Freideg, 11.08.17 Coupe Rénert

19.30 h Yellow Boys Weiler - Fc Vinesca Ehnen

20.20 h FCBB - Yellow Boys Weiler

21.10 h FC Vinesca Ehnen - FCBB

Sonndeg, 13.08.17 Finallen ab 14.30 h

 

Samsdeg, 19.08.17, 18 h FCBB - FC Atert Bissen

 

 

Mo

17

Jul

2017

Seniors 1 Spillplang Saison 2017/2018

Di

11

Jul

2017

2 weider Neizougäng béim FC Berdenia Berbourg

 

Mam Eric Galetto an Suvad Spahic huet den FC Berdenia 2 jonk Spiller verpflicht.

 

Den Eric Galetto huet 19 Joer, de villsäiteg verwendbaren Mëttelfeldspiller wiesselt aus der Jugendakademie vum F91 Diddeleng bei eis. Mat den Diddelenger Juniors konnt den Eric an der ofgelaafener Saison Champion gin.

 

 

Den Suvad Spahic ass 21 Joer aal. Hien kënnt vum FC Schengen bei eis an ka souwuel Innen- wei och Aussenverteideger spillen.

 

 

Mir begréissen si 2 bei eis am Club a wënschen hinnen vill Spaass an Erfolleg

 

Do

22

Jun

2017

Saisonofschloss béi de Poussins

D'Poussins-Equipe vun der Entente CS Grevenmacher/FC Berdenia Berbourg/Jeunesse Biwer hunn hieren Saisonofschloss  an der Grevenmacher Piscine gefeiert. Duernô waren sie all zesummen iessen an de Ristorante Italiano Cento Vini.

 

D'Traineren Steve a Gerry soën hiere Meedercher a Jongen Merci fir eng Super Saison.

Fr

16

Jun

2017

Eng Réih jonk Spiller wiesselen op Berbourg

Nôm erfollegräichen Penalty-Weekend schafft den Veräin weiderhinn um Kader fir déi nei Saison.

 

 

Niewt dem neien Trainer Patrick Zöllner an engen sëllechen Vertragsverlängerungen sin mam Sebastian Ting a Marc Mees jo och dei eischt Neizougäng scho bekannt.

 

 

Nôm Ofgang vum Luc Muller wäerten och follgend Spiller nächst Saison den Trikot vum FC Berdenia nët mei droën: Louis Lima da Luz, Ernad Sabotic, Idelson Pires Dos Santos, Christophe Da Cruz, Nadilson Dos Santos an Claudio Da Luz.

 

 

Hinnen alleguer Merci fir hieren Asatz an eisem Veräin a bonne chance bei den neien Aufgaben.

Nodiems den Chris Sauber, Laurent Laugs, Jaspar Göpel an Yannick Freitas lescht Saison jo nëmmen temporaire zu Berbourg gespillt hunn, gouf elo mat hiere jeweilegen Veräiner en Accord fir en definitiven Wiessel erzielt. Mam Mohammed Alizadeh kënnt dann och e Spiller bei eis, dien seng éischt Fussballlizenz wäert man.

 

 

Dô dernierft wärten eng Reih vun eisen Juniorsspiller bei de Seniors mattrainéieren a gegebenfalls spillen a sou hir eischt Schrëtt am Seniorsberäich machen.

 

 

Mam Joé Reuter konnt de Veräin ee jonken, talentéierten Keeper op Berbourg transfereiren. De Joé huet 25 Joer a war dei lescht Joeren Stammkeeper beim FC Blô Wäiss Itzeg.

Dô virdrun huet hien och zu Sandweiler an zu Péiteng gespillt. Seng Jugendausbildung huet en beim Swift Hesper gemaach. De Joé komplettéiert eisen Goalkeeperquartett mam Sam Faber, Georgi Hristov a Bob Schrantz,  déi jo bekanntlech vum Daniel Becker trainéiert ginn.

 

Mam Mike Carvalho konnt den FC Berdenia e jonken, talentéierten Stiermer verpflichten. De Mike huet 18 Joer an war dei lescht 3 Saisonen an eiser Jugendentente aktiv bei de Cadets an de Junioren, wou hien zur Equipe gehéiert huet, déi d’Coupe du Prince konnt gewannen. Seng Lizenz haat den Mike awer bei der USBC01, vu wou mir hien also elo verpflicht hunn.

 

Mam Moritz Habscheid wiesselt e gestaanenen Mëttelfeldspiller aus der däitscher Rheinlandliga bei den FC Berdenia. De Moritz huet 23 Joer an huet bis elo zesummen mat sengen 2 Bridder Nils an Tim (wiesselen alle beid bei den FSV Salmrohr) bei der SG Kyllburg gespillt.

 

All eisen Neizougäng, wënsche mir eng flott an erfollegräich Zukunft am Berbourger Veräin!

 

Di

13

Jun

2017

Kings of Penalty 2017

Och d'Editioun 2017 vun de Kings of Penalty war e groussen Erfolleg. Schons Freidesowes ware vill Frënn vum Berbourger Fussball op d'Concerten vun der Bech-Berbourger Musek an Timeless komm, an hu sech bis spéit an d'Nuecht gouf sech op de Penaltystournéier préparéiert.

 

Béi wonnerbarem Summerwierder  hu sech Samsdes, 77 Equipen afonnt fir iwwer de ganzen Dag Eelëfmeteren ze schéissen, e Patt ze drenken an e Mauffel ze iessen, an sech béi beschter Stëmmung ze amuséieren.

 

Als Gewënner goung den FC Potaschbierg erfier, fir all Spiller gouf ët e fonkelneien 10" Terra Pad, gesponsert vun der Firma Eye-T vu Manternach. op der 2. Plaatz stoung Team Irrel, all Spiller krutt e Bong vun 175.-€ vum PneusCenter zu Fréiseng.

 

D'Organisatioun vum Penaltystournoi ass mat engem groussen Opwand verbonnen, de Comité seet duerfir alle Memberen, Sponsoren a Frënn vum Veräin, souwéi allen Equipen Merci dat sie derbäi waren.

 

 

Mi

24

Mai

2017

Sebastian Ting wiesselt op Berbourg

 

Mam Sebastian Ting ass et dem Club gelongen een erfuerenen Mëttelfeldspiller ze verpflichten.

 

 

De Sebastian huet 28 Joer a spillt am zentralen Mëttelfeld, wou hien souwuel déi defensiv, wéi och déi offensiv Positiounen bekleeden kann. Seng Jugendausbildung huet hien bei der Eintracht Trier gemaach, fir duerno nierwt Trier och nach zu Mehring an fir d'Lescht zu Salmrohr an der Oberliga ze spillen.

 

 

Och den Sebastian heesche mer häerzlech wëllkomm an wënschen him vill Spaas an Erfolleg bei eis am Veräin.

 

Di

23

Mai

2017

Marc Mees wiesselt op Berbourg

 

Mam Marc Mees kann de Veräin séin éischten Neizougang fir déi nei Saison presentéieren.

 

 

De Marc ass 29 Joer aal a seng ugestaamten Positioun ass Inneverteideger. Hien kann allerdings och als 6er spillen. Hien huet bis ewel zu zu Salmrohr, Morbach, Homburg a fir t'lescht zu Mehring an der däitscher Rheinlandliga gespillt.

 

 

Mir heeschen de Marc härzlech wëllkomm a wënschen him vill Erfolleg a Spaass bei eis am Veräin.

 

Di

23

Mai

2017

Nom leschten Match vun der Saison steet Berbuerg op der 3. Plaatz!

Um leschten Match vun der Saison mussen d’Berbuerger Jongen nach eng Défaite astiechen, dëst Auswäerts géint Remich-Bous

 

Viru villen Berbuerger Supporter hunn déi Berbuerger gutt an de Match fonnt a konnten an der 14. Minutt duerch en Goal vum Laouira an Féierung goen, nodeems de Boussi iwer riets duerchgeet an propper an d’Mëtt gëtt! De Laouira muss de Ball just nach iwert d’Linn drecken

 

D’Freed hällt leider net laang un, wëll déi Réimëcher gleichen no engem Wäitschoss aus gutt 30 Meter an der 16. Minutt aus! Domat net genuch, leescht eisen Keeper sech an der 29.Minutt e katastrophalen Feeler an eis Jongen leien mat 2:1 hannen! De Schock sëtzt déif an d’Nervositéit ass ze erkennen, an éiert d’Jongen erëm kënnen an de Match fannen, huet d’Heemequipe nëmmen 3 Minuten drop duerch e schéine Lupfer de Stand op 3:1 erhéicht

 

Kuerz virun der Halbzeit verkierzen mer op 3 :2 nodeems de Boussi rëm vun der Säit eraleet an de Laouira neess richteg steet

 

 

 

Nom Téi sinn eis Jongen vill méi präsent an drécken op den 3:3, awer ouni Erfolleg! An der 59.Minutt trëfft de Boussi nô engen Handeelëfmeter just d’Laat an nëmmen eng Minutt drop hunn déi Berbuerger eng Duebelchance wou den Leconte an de Wagner Laat,, respektiv Potto treffen

 

Och an der 70.Minutt gin eis Jongen nët belount, well den Boussi rëm just Aluminium trefft

 

 

 

An der 81.Minutt kréien déi Berbuerger dann zu Recht en Eelëfmeter géint sech gepaff, deen déi Remicher souveräen erasetzen! Domat ass de Match gelaaf, och wann den Laouira kurz viru Schluss duerch en Elefmeter op 4:3 zum Endscore trëfft

 

 

 

Domat ass d’Saison 2016/2017 eriwer, an den FC Berdenia Berbuerg schléisst op enger gudder 3. Plaatz of. Mir freeën eis alleguer op d’Saison 2017/2018.

 

Merci un all dei trei Supporter, dei eis nët nëmmen doheem mee och Auswäerts ëmmer zahlreich ennerstëtzt hunn.

 

Equipe: Lima, Weidert, Blau, Kaufmann, Dos Santos, Petry, Da Luz, Wagner, Boussi, Schuster, Laouira

 

Reserve: Schranz, Leconte, Sauber, Benner

 

 

 

Mo

22

Mai

2017

1. Schrëtt an der Kaderplanung fir d'Saison 2017/2018

 

Nô der beschter Saison an der Veräinsgeschicht mat enger 3. Plaatz an der 1.Divisioun, dreift de Veräin seng Planung fir déi nei Saison virunn. Gewosst ass jo zanter kuerzem, dass eis Equipe vum Patrick Zöllner wäert trainéiert ginn.

 

Ënnerstëtzt gët hien dobäi vum Ibrahim Diop, deen och nächst Saison säi Rôle als Co-Trainer a Spiller wäert weider féieren. Eis Goalkeepere gi weiderhin vum Daniel Becker trainéiert. Och de Coach vun eiser 2. Equipe, de Jorge Freitas wäert seng Aufgab weider féieren.

 

 

Bei de Spiller setzt de Veräin dann och op Kontinuitéit.

 

Sou hunn, nieft deene Spiller, déi nach e gültege Kontrakt hun, folgend Spiller bei eis verlängert :

 

Charel Weidert, Manu Kaufmann, David Schuster, Pit Wagner, Daniel Benner, Daniel Contrino, Dany Leconte, Achmed Boussi, Michael Blau an de Rayane Laouira.

 

Weider Verlängerungen an déi éischt Neizougäng wäerten an den nächsten Deeg folgen.

 

 

 

Mo

22

Mai

2017

Keng Punkten géint Bartreng a Munsbach

Sporting Bertrange – Berdenia Berbourg 1:0 (0:0)

 

 

 

Op engem Terrain wou een esou gutt wéi kee Fussball spillen kann, hu béid Equipen ët nët hikritt ee proppere Ball ze spillen. De Match war extrem hart, a virun allem d’Haushäeren haaten e puer ganz sauer Fehler wou des öfteren d’Gesondheet vun de Spiller a  Gefoer bruecht gouf. Den Arbiter huet dat toleréiert an esou war de ganzen Match iwer vu villen Onsportlechkeeten gepräegt.

 

 

 

Esou war och kee Spillfloss am Match, a wann ët geféierlech gouf dann durch Standartsituatiounen, wou Bartreng bal ëmmer am Virdeel war, well se den Terrain gewinnt sinn.

 

 

 

Vun Ufank un war et kloer dass de Match op Standardsituatiounen hinn entscheed géing ginn. Esou koum et dann da kuerz nô der Pause Bartreng e Fräistouss an eisen Strofraum brengt, de Ball um Terrain versprengt a beim Stiermer land, dien den Ball da propper lanscht de Lima zum 1:0 fir Bartreng leet.

 

 

 

Ab deem Moment huet Berburg de Match an d’Hand geholl, haat awer ganz vill mat Géigner an Terrain ze kämpfen. An der 80 Minutt krutt Berbourg nach en Goal wéinst Abseits oferkannt.

 

 

 

Daat waren och schon d’Highlights vum Match, béid Equipen hun exzellent Fussballspiller, déi et verdengt haeten op engem gudden Terrain openeen ze treffen.

 

 

 

Equipe: Lima; Weidert; Petry; Kaufmann; Blau; Benner; Sabotic; Boussi; Wagner; Pires;Laouira

 

 

 

Reserve: Schranz; da Cruz; Leconte; Sauber

 

 

 

 

 

Berdenia Berbourg . FC Munsbach  3:5 (0:2)

 

 

 

Et war e Match dien op keen Fall häett duerfe verluer göen, well d’Equipe et dôduerch nët méi an der eegener Hand an de Barragmatch ze kommen.

 

 

 

An awer ass ët esou gewschitt

 

 

 

 

 

25' 0:1    40m Schoss, de Ball tuppt op an geet iwert de Goal

 

 

 

35' 0-2   eis lénks Säit gesäit ganz aal aus, gëtt iwwerlaaf an den Stiermer huet keen Problem domat den 2ten Goal ze maachen

 

 

 

60' 0:3 mir gin erëm iwwer lénks komplett iwerrannt, alleng virum Keeper leet de Stiermer de Ball propper laanscht de Lima an de Goal

 

 

 

70' 1:3 den Da Cruz spillt dem Schuster an de Laaf, dien setzt sech géint säi Géigner durch, leet eriwwer an de Laouira schéisst en eran.

 

 

 

75' 2:3 nô engem Fräistouss vun lenks schéisst de Weidert de Ball propper an den Eck

 

 

 

82' 3 :3 Fräistouss vun lenks, den Da Luz käppt en an den laangen Eck

 

 

 

90' 3:4 langen Ball vum Keeper, eise Verteideger rennt laanscht den Ball an den Stiermer steet nees alleng virun einem Keeper an mëcht de 4 Goal fir Mënsbëch

 

Equipe: Lima, Petry, Dos Santos, Weidert, Kaufmann, Benner, Sabotic, Boussi, Wagner, da Luz, Laouira

 

 

 

Reserve : Schrantz, Leconte, da Cruz, Blau, Schuster

 

 

 

Iwwer de leschte Match géint d’Union Remich/Bous dien mat 4 :3 verluer gangen ass, kënnt nach e separaten Ofschlossbericht.

 

Mo

22

Mai

2017

D'Gewenner vum Duerfbeschass

 

E Sonndeg de 14. Mee war d'Premiere vum Koubingo 'Berbuerger Duerfbeschass' am Stade Renert.

 

 

 

D'Kou Lotti ass pünktlech um 12 Auer an d'Arena amarschéiert an huet sech direkt wuelgefillt. Nom éischte Beschnupperen, kruten d'Zuschauer direkt e bessen Action gebueden. D'Kou war nämlech iwwert den elektreschen Drot ausgebéchst an ennert der Cloture duerch d'Trapen erop Richtung syntheteschen Terrain ennerwee. Nodeems d'Lotti sech awer rem zréck op d´Spillfeld leede gelooss huet, waren e puer Kouflüsterer am Asaz fir dass se och do sollt bleiwen. Um 13h15 ass et der Kou dunn awer duergaang an huet hiren éischte Flapp gemaach, deen dann och d'Gewennerfeld déterminéiert huet.

 

 

 

Nom Ausmossen stoung d'Feld G23 als Gewenner fest. De groussen Jackpot deelen sech deemno d'Besetzer vun den Ticketen mat den Nummeren FCBB0352 an FCBB1415.

 

 

 

Déi Leit déi op d'Felder ronderem gesat hun (F22, F23, F24, G22, G24, H22, H23 an H24) kennen sech och nach op e klenge Gewenn freeen. Et handelt sech heibäi em d'Ticketen mat de folgenden Nummeren:

 

 

 

FCBB0351

 

FCBB0353

 

FCBB0354

 

FCBB0377

 

FCBB0507

 

FCBB0590

 

FCBB0648

 

FCBB0807

 

FCBB0832

 

FCBB1418

 

FCBB1514

 

FCBB1833

 

FCBB2009

 

 

 

D'Gewënner ginn perséinlech kontakteiert.

 

 

 

Et war e flotte Spektakel. Merci all de Leit déi matgemaach hun.

 

Do

11

Mai

2017

Duerfbeschass zu Berbourg

 

 

Dëse Sonndeg 14. Mee 2017 ass de groussen “Berbuerger Duerfbeschass” am Stade Renert. Ab 12:00 Auer kënnt Dir Iech  dëse Koubingo-Spektakel live am Stade Renert ukucken a matfieberen op wéi eng Plaatz um Terrain d'Kou dann lô schlussendlech hire Flapp mecht.

 

 

Wien am Viirfeld déi richteg Parzell reservéiert huet, kann ëmmerhin den Jackpot mat bis zu 3.125.- Euro gewannen.

 

 

Niewt der Kou këmmeren mir eis natierlech och ëm d'Wuelergoën vun eisen Zuschauer. Dofir zerwéieren mir just dëse Sonndeg an der Buvette vum Stade Renert de summerlechen Cocktail "Cosmo Fiss" an eng lecker Currywurscht mat hausmaacher Zooss a Fritten.

 

 

 

Um 16:00 Auer ass dann och de leschten Heemmatch vun der Saison géint Munsbach, wou eis 1.Equipe muss déi 3 Punkten zu Berbourg ze haalen.

 

Loosst Iech also den Duerfbeschass an dee wichtegen Heemmatch e Sondeg nët entgoën!

 

Mo

08

Mai

2017

Seniors I: Weider um richtegen Wee, 3 Punkten auswärts.

CS Sanem - FC Berdenia Berbourg 2:5 (1:2)


Och zu Suessem konnten eis Jongen nët geschloë ginn: sie hu sech um Enn héichverdéngt mat 5:2 beim Opsteiger zu Suessem behaapt.

Vun Ufank un, hunn déi Orange d'Heft an d'Hand geholl an den Match diktéiert. Déi Suessemer goufen fréi gestéiert a koumen an der 1ter halwer Stonn guer nët an de Match.

No enger décker veirel Stonn koum et zum éischten Opreeger, wéi engem Verteideger am Stroofraum de Ball un d'Hand spréngt an den Arbitter keen aaneren Choix haat, wéi op de Punkt ze weisen. Den Ahmed Boussi léisst dem Keeper keng Chance, 0:1 fir Berbuerg.

10 Minutten drop konnten dei Orange erhéigen: Den Idelson dos Santos setzt sech am Laafduell op lénks duerch, flankt ran an, an der Mëtt klëmmt den Rayane Laouira am héichsten a verwandelt per Kappball onhaalbar zum 0:2.

Ab der 30. Minutt awer konnten den CS Sanem sech fannen an hunn ugefaangen Drock nô vir opzebauen, ouni awer lo zu richteg geféierlechen Aktiounen ze kommen. Kuerz virun der Paus konnten se awer verkierzen: Eng laang diagonal Pass hiewelt eis Verteidegung op der lénkser Säit aus, de Suessemer Spiller spillt de Ball flaach an d'Mëtt wou de Stiermer den Ball nach iergendwéi iwwert d'Linn drécken kann.

Nom Pausentéi huet et e bësschen gedauert, bis déi Berbuerger rëm hiere Rythmus haaten.

An der 70. Minutt konnten se op 1:3 erheichen. No engem Fräistouss geléngt et dem Charel Weidert iergendwéi per Kapp de Ball op lénks ze leeën, wou den Boussi fräistehend per Volley annetzen kann.

Dëst huet fir Réckenwand gesuergt, dei Suessemer goufen un d'Mauer gespillt:

Den 1:4 fällt an der 80.Minutt. E Fräistouss gëtt schnell iwwert riets op den grad agewiesselten Michael Blau ausgefouert, dien flankt direkt aus vollem Laaf an fënnt an der Mett den Laouira, deen ërem per Kapp markéieren kann.

4 Minutten drop den 15: rem den Laouira, dien aleng an de Stroofraum geet an äiskaal flaach an de laangen Eck verwandelt.

Kuerz viru Schluss nach Resultats-Kosmetik, wéi Suessem op 2:5 verkierzen kann, déi Berbuerger waaren do nët méi wierklech konzentréiert.

Wichtegen 3er, géint eng Suessemer Equipe, déi trotz dem héijen Réckstand nie opgehaalen huet mat Kämpfen. Alles an allem awer eng zolitt a souverän Leeschtung.

Dëse Mëttwoch 10.05.2017 ass um 19h30 deen enorm wichtegen Nôhuelmatch zu Bartreng. Och an dësem Match gëllt ët wiederhinn konzentréiert ze bléiwen an d’Punkten mat op Berbourg e huelen.


Dofir kommt den Mettwoch alleguerten op Bartreng, fir eis Jongen mat allem waat der huet ze ënnerstëtzen!

FCBB: Lima - Kaufmann, Weidert, Petry, Dos Santos (75.Blau) - Boussi, Sabotic, Benner, Da Cruz (44.Schuster), Wagner (72. Le Conte) - Laouira

Reserve: Hristov, Schuster, Blau, LeConte, Sauber

Fr

05

Mai

2017

Seniors 1: D'grouss Ziel nach ëmmer fest am Bléck

Berdenia Berbourg – Blô-Wäiss Itzig   4:0 (1:0)

 

 

Am Kampf ëm den Opstieg huet Berbourg 3 weider wichteg Punkten geholl. Leschte Mëttwoch virun ongeféier 120 Zuschauer huet Berbourg mat 4:0 géint Itzeg gewonnen, dobäi war den Berbuerger Triumph zu kengem Moment an Gefoer.

 

Berbourg huet de Match vun Unfank un dominéiert a sech eng grouss Unzuel u Chancen erausgespillt. Virun allem iwwert Wagner, Boussi an da Luz waren eis Farwen ëmmer geféierlech. Dobäi stoung virun allem den da Luz am Mëttelpunkt wéi en an der 5 Minutt alleng virum Keeper steet an den Ball riet op den schéisst. An der 10 Minutt war et dann de Pit Wagner dien de Ball op 25m kritt, sech traut, a mat engem fulminanten Schoss an den Wenkel de Score fir Berbourg opmëcht.

 

Nô dem 1:0 bléiwt Berbourg weiderhinn héich um Terrain, mëcht Drock op den Géigner a spilt sech weider gutt Chancen eraus. Boussi, Laouira an nach eng Kéier da Luz scheiteren allerdengs un engem ganz staarken Reuter am géignereschen Goal.

 

1:0 war dann och den Pausenstand

 

No dem Téi ass alles beim selwechten bliwwen, Berbourg dominéiert, huet vill Ballbesëtz a spillt sech vill Chancen eraus. Wann Itzeg mol geféierlech ginn ass, dann iwwert Standartsituatiounen, dô war allerdengs de Lima ëmmer ganz stark an der Strofraumbeherrschung an huet sech all Ball gepléckt.

 

An der 56 Minutt gëtt de Laouira vum Wagner an d’ Déift geschéckt, dien setzt sech gutt géint säi Géigespiller durch an huet kee Problem domat den 2:0 ze maachen.  An der 61 Minutt kritt Berbourg en Eelëfmeter zougesprach nodiems de Boussi am Stroofraum vun de Been geholl gouf. De Boussi trëtt selwer un an verwandelt ganz sëcher zum 3:0.

 

Och dunn huet Berbourg sech net ginn a weider gedréckt. Virun allem iwert den angewiesselten david Schuster war Berbourg ëmmer geféierlech. An der 85 Minutt geet de Boussi iwer riets an den Zweekampf, setzt sech durch, flankt op deen zweeten Poteau wou den Schuster de Ball erakäeppt.

Domat war d’ Endresultat perfekt!

 

Berbourg wënnt mat 4:0 a kann säi Virsprong vun 2 Punkten op déi drëtt Plaatz weider verteidegen.

 

Dëse Sonndeg 07.05.2015 gi mer eis um 16:00 Rendez-vous zu Suessem fir e weideren ganz schwéieren Match. Och dô muss Berbourg erëm Alles ginn fir an den Barragematch ze kommen. Kommt all mat op Suessem eis Jongen an deem Kampf ze ënnerstëtzen.

 

Equipe: Lima; Blau; Petry; Weidert; Pires; Sabotic; Benner; Wagner; Boussi; da Luz; Laouira

 

Reserve: Faber; Schuster; da Cruz; Sauber; Leconte

Fr

05

Mai

2017

Kings of Penalty 2017

Do

04

Mai

2017

Seniors 2 : Nach ass Alles dran am Kampf fir de Klassenerhalt

Union Mertert-Wasserbillig - FC Berdenia Berbuerg  5:0

 

 

 

Arbitter: Schiltz Herbert

 

Giel Kaart: Frondizi Eric

 

 

ÉQUIPE: Schrantz Bob; Hoscheid Serge; Ben Ruppert; Eric Frondizi (C) ; Chennaux Pit; Schrantz Max ; Sauber Chris ; Dahm Yves ; Göpel Jaspar; Benner Daniel; Yannick Freitas

 

Réserve: Laurent Laugs (65' angewiesselt fir den Hoscheid Serge)

 

 

Fazit: Bis zum 1:0 huet eis Equipe d'Stellung gehaal an stoung defensiv gutt dô. Déi zwee individuell Fehler virun der Halbzeit hunn éis dunn awwer zréckgeworf an de Match zu Gonschten vun den Haushäeren entscheed. Et gëllt lo géint den Swift Hesper eng Victoire anzefueren.

 

 

 

Berdenia Berbuerg-Swift Hesperange 10:1

 

 

 

Arbitter: Herbert Schiltz

 

Goaler:

 

Frank Christophe 4x

 

Laouira Rayane 3x

 

Daniel Benner

 

Yannick Freitas

 

Pit Chennaux

 

 

 

ÉQUIPE: Hristov Georgi ; Leconte Danny ; Ruppert Ben; Frondizi Eric; Sauber Chris; Guth Serge (c); Benner Daniel; Charel Weidert; Pires dos Santos Idelson ; Frank Christophe ; Laouira Rayane

 

Réserve: Pit Chennaux (62' fir den Charel Weidert) ; Schrantz Max (46' fir Pires dos Santos Idelson)

 

Freitas Yannick (60' fir den Laouira Rayane)

 

 

Fazit: Eng souverän Leeschtung géint een schwaachen an am laaf vum Match geschwächten Géigner. Déi éischt 3 Goaler faalen no fantastescher Viirarbescht vun éisem néien "ailier" Charel Weidert op den Laouira Rayane, deen sech an der zweeter Equipe deen néidegen Erfollegserlebnis an Selbstvertrauen oofhuelen kënnt fir an der éischter Equipe am Moment décisiv ze sin. De Christophe Frank huet mol sengen Stiermerqualitéiten fräien Laaf gelooss an huet mat sengen 4 markéierten Goaler ganz bestëmmt zum Goalaverage baigedroen.

 

Mat deem Resultat bleiwen mir am Wandschiet vun der Entente Wuermer/Menster an gin voller Elan an éis 3 läscht Finallen.

 

Mir sin Berbuerg!

 

 

 

Di

02

Mai

2017

Seniors 1: Et bléiwt spannend am Kampf fir den Opstieg

Berdenia Berbourg – Koeppchen Wormeldange 1:2 (0:1)

 

 

 

Et war eng turbulent Woch fir den FC Berdenia Berbourg a sengem Kampf fir Punkten ëm den Opstieg.

 

 

Den Match géint Wuermer huet net gutt ungefaangen, direkt no 7 Minuten ass Wuermer mat 0:1 a Féierung gangen. Nô enger schneller Kombinatioun iwer riets koum den Ball an eise Strofraum, de Petry probéiert de Ball ze dégageieren, schöisst dobäi onglécklech den Dos Santos un an den Ball land am Goal. Domadder stoung et 0:1 fir Wuermer.

 

 

Ab dem Moment huet Berbourg proböiert d’ Spill an d’ Hand ze huelen, wat eis awer nët richteg gelongen ass well den Géigner ganz gutt op eis agestallt war.

 

An der 30. Minute gëtt de Boussi am géignereche Strofraum vun den Been geholl, Eelëfmeter fir Berbourg. Den da Luz trëtt u fir deen ze schéissen, de Ball geet an d’ Mëtt vum Goal an de Keeper häelt de Ball, vun dësem Schock huet Berbourg sech de ganzen Match nët méi erholl.

 

 

Nô der Pause ass ganz vill am Mëttelfeld gespillt ginn, ouni vill Chancen op béiden Säiten. Wuermer huet sech zereckgezunn an op enKonter gehofft vir d’Spill domat ze entscheeden, wat hinnen och gelongen ass an der 70. Minute fir den 0:2 ze schéissen.

 

 

Domat steet Berbourg ënner Drock, an déi lescht Minutten geheit Berbourg alles no vir an an der 85 Spillminute gelengt et dem Laouira an enger fantastescher Eenzelaktioun nach op 1:2 ze verkierzen.

 

 

Et sollt awer net méi duergoen fir nach e Punkt aus deem Match ze kréien.

 

 

Equipe: Faber, Sauber, Diop, dos Santos, Petry, Kaufmann, da Cruz, Wagner, Boussi, da Luz, Laouira

 

Reserve: Schranz, Benner, Schuster, Blau

 

 

 

 

 

FC Red Black Egalité 07 Pfaffenthal-Weimerskirch – Berdenia Berbourg  0:1 (0:0)             

 

 

 

Mëttwochs stoungen mer am Paffendall extrem ënner Drock, e Match dien op kee Fall duerft verluer goën. A genau sou huet Berbourg sech och präsentéiert, vun Ufank un ware mir déi dominant Equipe.

 

 

Berbourg huet sech ganz vill Chancen erausgespillt, sinn awer ëmmer erëm un engem extrem gudden Paffendaller Keeper gescheitert. Wéi zum Beispill an der 20. Minute wou den Boussi vum da Luz super fräigespillt gëtt, allng virum Keeper steet mee dësen nët iwwerwannen kann. Oder an der 45. Minutt, wou no engem Corner den Diop den Ball quasi an den Wenkel käeppt, mee och do kritt de Keeper deen nach eraus gefëscht.

 

 

Esou huet de Paffendall et sengem Keeper ze verdanken, dat ët mat 0:0 an d’ Pause gangen ass. Nô der Paus en äehnlecht Bild, Berbourg dominéiert, huet vill Chancen, scheitert awer ëmmer erëm um Keeper oder un eiser eegener Treffsëcherheet.

 

 

An der 2ter Halbzäit kann dann awer och den Paafendall vu mei Plaatz profiteieren fir geféierlech Konteren ze setzen. Et heescht also fir eis Faarwen oppassen.

 

 

An der 75. Minute dann endlech den Befreiungsschlag. No engem Fräistouss kënnt de Ball bei den Weidert, deen leet en eriwer op den Laouira an dee mecht den 0:1 fir déi Orange.

 

 

An der leschter Minute gouf et nach eng Schrecksekonn fir Berbourg, wéi nô engem Corner e Paffendaller de Ball ënnert d’ Laat käeppt, mee och mir hun en fantastechen Keeper deen de Ball eraus hëllt.

 

 

 

Domadder blewit et weiderhinn spannend am Kampf ëm d’ Barrageplatz. Berbourg bleiwt Zweeten mat elo 2 Punkten Virsprong op Kayl.

 

 

E Mëttwoch, den 03.05.2017 geet et weider bei eis doheem um 20:00 Auer géint Itzeg, och dee Match muss onbedengt gewonnen ginn.  Mir hoffen weiderhin op d’Ënnerstëtzung vun all eisen Fans am Kampf fir den Opstieg.

 

 

Equipe: Lima, Blau, Kaufmann, Weidert, Petry, Sabotic, Diop, da Cruz, Boussi, pires, da Luz,

 

Reserve: Schranz, Leconte, Wagner, Benner, Laouira

 

 

 

Fr

28

Apr

2017

Ons Jugendéquipen am Asaatz

Cadets

 

29/4 16:00

 

ENT CSG/Berbourg/Biwer I - UN Kaerjeng 97

 

(Decker Raymond)

 

Stade Flohr 2

 

(Grevenmacher, synth.)

 

 

 

Junioren

 

29/4 18:00

 

US Rumelange - ENT CSG/Berbourg/Biwer

 

(Quiterio Diogo)

 

Annexe Stade Municipal

 

(Rumelange, synth.)

 

 

 

Scolaires

 

29/4 16:30

 

ENT Gréngewald I - ENT Biwer/CSG/Berbourg

 

(Feller Carlo)

 

Terrain 2 (Junglinster,

 

 

 

Minimes

 

29/4 16:30

 

ENT Biwer/Berbourg/CSG I - Swift Hesperange II

 

Terrain 2 (Biwer)

 

 

 

29/4 15:30

 

RM Hamm Benfica II - ENT CSG/Berbourg/Biwer II

 

Terrain synth. Hamm

 

 

 

Pupilles

 

29/4 16:30

 

Victoria Rosport I - ENT CSG/Biwer/Berbourg I

 

Terrain synthétique Ralingen

 

 

 

29/4 15:00

 

Blo-Wäiss Itzig II - ENT Berbourg/Biwer/CSG II

 

Terrain synthétique Itzig

 

 

 

Poussins

 

30/4 10:30

 

ENT Berbourg/CSG/Biwer I - Syra Mensdorf I

 

Terrain 2 (Berbourg, synth.)

 

 

 

30/4 09:30

 

ENT CSG/Berbourg/Biwer II - FC Schengen

 

Stade Flohr 2

 

(Grevenmacher, synth.)

 

 

 

Bambinis

 

29/04/17

 

Terrain 2 (Junglinster, synth.)

 

9.00 hrs

 

Jeunesse Junglinster

 

ENT CSG/Biwer/Berb. I

 

Minerva Lintgen I

 

CS Grevenmacher

 

 

 

Stade H. Bausch (Steinsel,

 

synth.)

 

09.30 hrs

 

Alisontia Steinsel I

 

Union Mertert-Wasserbillig

 

ENT Biwer/Berb./CSG II

 

US Berdorf-Consdorf 01

 

 

 

Do

27

Apr

2017

Patrick Zöllner, neien Trainer beim FC Berdenia Berbourg

Nodeems scho méi laang gewosst ass, dat eisen aktuellen Trainer Luc Muller säin Amt nächst Saison nët méi wëll weiderféieren, huet de Comité vum Club beschloss, dem Patrick Zöllner d’Aufgab als Cheftrainer ab der Saison 2017/2018 ze iwwerdroën.

Hien huet als Trainer bis elo beim SV Sirzenich, dem SV Konz, dem FSV Tarforst an dem FC Victoria Rosport geschafft.

Als Spiller war hie fréier och schon am Grand-Duché täteg. Sou huet hien ënnert ânerem als Kapitän dozou bäigedroen, dat den FC Victoria Rosport sëch an der Saison 2004/2005 fir den UEFA Inter-Toto Cup konnt qualifizéieren.

De Patrick Zöllner huet 41 Joer, ass bestuet a Papp vun 2 Kanner.

 

Mir heeschen de Patrick häerzlech wëllkomm a wënschen him vill Freed an Erfolleg bei eis am Veräin.

Do

13

Apr

2017

Seniors 2 kënne weiderhinn op de Klassenerhalt hoffen

Berdenia Berbuerg - FC Schifflange 95  3 :2

 

Arbitter: Jahrmärker Stan

Goaler: 2x Laouira Rayane; Daniel Benner

 

Equipe: Hristov Georgi ; LeConte Danny; Ruppert Ben; Guth Serge (c); Sauber Chris; Frondizi Eric; Hoscheid Serge; Göpel Jaspar; Pol Petry; Benner Daniel; Laouira Rayane

Réserve: Kik Frank (60' fir Jaspar Göpel) ; Laurent Laugs ; Schrantz Max (83' fir Serge Hoscheid); Pitzen Jo; Freitas Yannick (87' fir Daniel Benner)

 

Fazit: Eng gutt Reaktioun géint den Tabellenzweetem, deen éis natierlech lo rëm positiv an d'Zukunft kucken léisst. Mir sin 3 Punkten vum rettenden Ufer weg an domat gëllt et mat deem selweschten Kampfgeescht an déi lescht 5 Finalen ze goen. 2 Stiermergoaler vum Laouira Rayane an ee Goal vum Daniel Benner nô majestraler Viiraarbecht vum agewiesselten Max Schrantz.

 

 US Hostert - Berdenia Berbourg   6:1

 

Arbitter: Hoffmann Pierrot

Goaler: Göpel Jaspar

Giel Kaarten: Serge Guth ; Dany LeConte ;Yannick Freitas

 

Equipe: Faber Sam ; Petry Pol; Ruppert Ben; Max Schrantz ; Pit Chennaux ; Guth Serge (c); Sauber Chris; Göpel Jaspar; Wagner Pit; LeConte Dany; Frank Christophe

Réserve: Costa André (55' fir Chennaux Pit) ; Yannick Freitas (45' fir Wagner Pit) ; Schommer Wenzel; Laurent Laugs (74' fir Dany LeConte); Hoscheid Serge

 

Fazit: Eng schlecht Prestatioun géint e Géigner dien am Fong nët iwwert éisen Moyen louch. Mir kommen och mat 1:0 a Féierung, hunn och d'Chancen 2x ze erhéijen, mee mir kasséieren 2 mol dann op Konter. Ab dem 3:1 war dunn d'Moral nët méi dô, fir dem Géigner entspriechend Paroli ze bidden.

 

 

 

Di

11

Apr

2017

Seniors 1: Nô 2:0 Féierung, Match awer nach verluer

FC Schëffleng 95 - Berdenia  Berbourg 3:2 (1:2)

 

 

 

7' E Fräistouss vum Da Luz geet just iwert d' Laat

 

 

 

15' den Da Luz gëtt super vum da Cruz fräigespillt, mee en verzitt de Schoss laanscht de Goal

 

 

 

25' Et ass e rouegen Match, ouni Chancen. Schëffleng huet méi Ballbesëtz, et spillt sech alles am Mettelfeld of

 

 

 

27' grouss Chance fir Berbourg. No enger Flank vum Boussi, hëllt de Pires de Ball am Strofraum volley, mee de Keeper hält den Ball.

 

 

 

28' 1:0 fir Berbourg, nô engem Corner kreien d' Schëfflenger den Ball nët dégageiert, den da Cruz profiteiert dovun an platzéiert de Ball an den Eck

 

 

 

36' 2-0 fir Berbourg, de Blau brengt no guddem Zesummenspill mam Boussi de Ball an den Strofraum wou den Pires um zweeten Poteau den Goal mecht

 

 

 

39' geféierlechen Waitschoss vun Scheffleng.

 

 

 

43' 2:1 de Stiermer mecht en Sololaaf vu 50m durch eis Équipe, steet alleng virum Faber an schéisst de Ball eran

 

 

 

Halbzeitstand 2:1 fir Berbourg

 

 

 

60' 2:2 op Eelefmeter

 

 

 

65' geféierlechen Fräistouss vu Scheffleng, geet knapp laanscht de Goal

 

 

 

70: 3:2 fir Scheffleng, Flank vun riets, den Keeper kritt net gekläert an de Stiermer käppt den Ball an den Goal

 

 

 

83' grouss Chance fir Berbourg, nô engem Corner käppt den da Luz op d' Laat, de Ball fällt op d' Linn an den Laouira schéisst iwwert de Goal

 

 

 

90' grouss Chance fir Berbourg, no engem Corner kritt den da Cruz den Ball op den Fouss an schéisst dësen op d' Laat

 

 

 

Fazit: Wann een enVirsprong vun 2:0 hiergëtt, dann huet een eppes falsch gemaach. Berbourg huet 30 Minuten. gutt gespillt, nô der Pause ass allerdings d' RouH an de Kampfgeescht wuel an der Kabine bliwwen. Ze vill individuell Fehler an nêt genuch Rou um Ball hun eis zweet Halbzeit dominéiert. Mir sinn nach wéi vor am Rennen ëm den Opstieg, dierfen eis awer keng gréisser Ausrutscher mei erlaaben.

 

 

 

En groussen Merci un d' Fans déi de ganzen Match iwwer eis Équipe enerstezt hun.

 

 

 

Équipe : Faber, Blau, Dos Santos, Weidert, Kaufmann, Sabotic, da Cruz, Pires, Wagner, Boussi, da Luz

 

 

 

Reserve : Hristov, Sauber, Le Conte, Schuster, Laouira

 

Fr

07

Apr

2017

Seniors 1:  Nô engem Ausrutscher an der Millebach, revanchéiert Berbourg sech doheem géint Bieles

Millebaach – Berbourg  4:0 (2:0)


6' éischt grouss Chance fir Berbourg. No engem Aworf steet den Diop alleng virum Keeper scheisst, mee den Keeper hält den Ball fantastech

12' 1:0 fir Millebaach No enger konfuser Aktioun bei eis am Strofraum, kritt eis Verteidigung den Ball net dégagéiert. Dorophin schéisst de Stiermer de Ball an den Goal

23' Berbourg kritt dem Géigener seng laang Bäll net an de Grëff. Millebaach huet mei vum Match, ouni awer gross Chancen ze hun

32' 2:0 No engem scharf geschossenen Fräistouss vun der rietser Säit, käppt de Benner de Ball onglécklech an den eegenen Goal

2:0 Halbzäit

50' de Louira setzt sech gutt géint säi Géigespiller duerch, a kënnt zum Ofschloss. De Keeper hällt de Ball

55' grouss Chance fir d Millebaach, den Stiermer leeft alleng op den Goal, mee den Lima kënnt ganz gutt eraus

60' roud Kaart fir den Diop wéinst meckeren

62' 3:0 durch en Eelëfmeter fir Millebaach

70' 4:0 de Millenbaacher Spiller setzt sech op lenks durch geet an den Strofraum an schléisst of

Fazit: E Match fir ze vergiessen: Berbourg ass nie richteg an den Match komm an d Millebaach huet et äiskaal ausgenotzt.

Équipe: Lima, Benner, Weidert, dos Santos, Kaufmann, Diop, Sabotic, Pires, da Cruz, Boussi, da Luz
Reserve: Faber, Blau, Schuster, Sauber, Laouira.

Berdenia Berbourg – FC The Belval Bieles 3:1 (0:1)


5' geféierlechen Distanzschoss aus 30m vu Bieles. De Ball geet just iwert d' Laat

8' No engem Fräistouss fir Berbourg am Mëttelfeld verlängert de Weidert de Ball, den dos Santos zitt of, mee den Keeper hält den Ball op der Linn.

10' no enger Flank vum Da Luz hëllt de Boussi den Ball volley, verzitt awer laanscht de Goal. Berbourg dominiert den Match

15' 1:0 fir Bieles durch en 11m

45' Fräistouss fir Berbourg am Mëttelfeld, de Keeper enerleeft en, an den Da Luz käppt den Ball Richtung Goal wou de Verteidiger de Ball vun der Linn kratzt

Halbzeit 0:1

50' nô engem Conter kënnt de Bieleser Spiller am 5m zum Kappball, den Lima rett den Ball op der Linn

57' 1:1 de Boussi setzt sech riets super durch, hien flankt op den éischten Poteau an den da Luz käppt eran

60' 2:1 fir Berbourg
De Schuster iwerleeft alles op senger Säit, geet op d Linn an leet den Ball zréck. De Boussi brauch de Ball just eran ze drecken

65' Wäitschoss vum Da Luz geet knapp iwert d Laat

70' 3:1 Copy paste vum 2:1 mat dës Kéier dem da Luz um Ofschloss

82'  gutt Chance fir Bieles, op e Conter hinn steet de Stiermer alleng virum Lima, dien paréiert de Ball awer

Endstand 3:1 fir Berbourg


Fazit: Nô engem ganz schlechten Match vum leschten Sonndeg, war et wichteg desen Match nët nëmmen ze gewannen, mee och ze iwerzeegen. Daat ass der Équipe och gelongen. De Match ass komplett vun Berbourg dominéiert ginn. Eis Jongen wollten den Zuschauer weisen dass de Match op der Millebaach en Ausrutscher war, an daat hu se androcksvoll hikritt

Bravo!

Wieder geet e Sondeg auswäerts um 16:00 Auer géint Schëffleng, während eis Seniors 2 sen Owend doheem géint Schëffleng 2 spillen.



Équipe: Lima, Blau, Weidert, dos Santos, Kaufmann, Sabotic, da Cruz, Pires, Wagner, Boussi, da Luz
Reserve:Faber, Benner, Sauber, Schuster, Le Conte

 

 

Fr

07

Apr

2017

Aktiva sponsort Jugendéquipen vun der Entente CS Grevenmacher, Berdenia Berbourg a Jeunesse Biwer

Duerch e schéine Geste vun eisem Sponsor dem Aktiva- Bewegungs- und Gesundheitszentrum um Potaschbierg konnte ronn 220 Kanner- a Jugendspiller vun der Entente CS Grevenmacher- Berdenia Berbourg- Jeunesse Biwer hier nei Trainingskostumer a Poschen an Empfang huelen.

 

Mir soën de Responsabelen vun Aktiva e grousse Merci fir dëse grousse Sponsoring.

 

 

Di

04

Apr

2017

Seniors 2: Ee Punkt géint Millebach

 

Berdenia Berbuerg-Blue Boys Millebaach   3:3

 

Evolutioun vum Score: 0:1;  1:1; 1:2; 2:2; 3:2; 3:3

Arbitter: Schiltz Herbert

Goaler: Pit Wagner; David Schuster;Costa André

Équipe: Hristov Georgi; Petry Pol; Frondizi Eric; Max Schrantz ; Pit Chennaux ; Guth Serge (c) ; Sauber Chris; Göpel Jaspar; Schuster David; Wagner Pit; Frank Christophe

Reserve: Costa André (45' fir Schuster David) ; Yannick Freitas; Schommer Wenzel (45' fir Wagner Pit); Pitzen Jo (70' fir Göpel Jaspar) Bob Schrantz

 

Fazit: E gutt Resultat géint eng staark Équipe vu Sandzak. Et wieren vläit 3 Punkten dra gewiercht, mee nô den éischten schwaachen 45 Minuten, kann een mam Resultat eenz ginn.

 

Weider geet ët fir eis 2.Equipe haut 04.04.2017 um 20:00 Auer auswäerts géint Hostert.

 

Fr

31

Mär

2017

Megafusioun am Osten

Zanter enger gewësser Zäit, an ënner strenger Geheimhaltung sinn d'Veräiner vum FC Berdenia Berbourg a vum CS Grevenmacher mat Fusionsgespréicher amgangen. De sportlech nët méi sou erfollegräichen Veräin vun der Musel, an déi Berbourger déi bis elo eng gutt Saison gespillt hunn, wieren sech op Macher Ufrô hinn méi nô komm, a vill Détailer si schons gekläert. Virbild ass heibéi d'Jugendentente tëschend den 3 Veräiner vu Berbourg, Biwer a Grevenmacher déi schons zanter 2 Jâr ganz gutt funktionnéiert.

 

Ee vun de Knackpunkter vun de Gespréicher war de Numm vum neien Veräin, wou och déi 2 Buergermeeschteren Gloden a Frank ageschallt goufen. No intensiven Gespréicher soll de Fusiounsveräin CS 17 Berdenia Gréiwebourg heeschen, wann d'Membren vun den 2 Veräiner heimadder d'accord sinn. 

 

Och Beobachter vum Biwer Veräin waren béi den Diskussiounen derbäi, sie hunn awer nach keng Entscheedung geholl, well sie a leschter Zäit emol erëm e puer Matcher gewonn hunn.

 

Haut um 11:00 Auer lued de Comité op eng Pressekonferenz béim Sponsor "Café béim Béichtstull" an, och d'Membren a Supporter dierfen derbäi sinn.

 

De Claude Wampach ënnerschreiwt am Numm vum Präsident Raoul Schummer, dien am Ausland war
De Claude Wampach ënnerschreiwt am Numm vum Präsident Raoul Schummer, dien am Ausland war

Di

28

Mär

2017

Seniors 1: Berbourg deelt sech d'Punkten mat Jonglënster

Berdenia Berbourg – Jeunesse Junglinster1:1 (0:0)

 

 

 

 

 

Trotz dem schéine Wierder ass éischter keng richteg Feierstëmmung bei de Supporter opkomm. Nôdiems sie gutt zu Mëtteg giess haaten um Fréijârsfest vum Berbourger Football, war de Kascht dien um Terrain gebueden ginn ass, nët nô jiddferengem sengem Goût.

 

 

 

7' gudden Kappball vu Junglinster, de Ball geet knapp iwer de Goal

 

 

 

23' de Sabotic spillt en super Ball op riets eraus op de Boussi, dee behält d’Nerven nët am 1 géint 1 mam Keeper a verpasst eng ganz gutt Geleeënheet fir Berbourg

 

 

 

31' de Boussi setzt sech op Riets gutt durch an scheésst präzis an den Wenkel, mee de Keeper hält de Ball mat engem gudden Reflex

 

 

 

44' no engem Gewulls am Mëttelfeld steht ebeemol de Lënster Stiermer alleng virum Goal, verzitt awer den Schoss laancht den Goal

 

 

 

Halbzeit 0:0

 

 

 

47' 1:0 fir Berbourg : nô engen Fräistouss steet de Boussi alleng mam Ball op der Linn, leet en zréck op den Dos Santos an deen dréckt de Ball iwert d Goallinn

 

 

 

56' 1:1 Lënster setzt sech op lenks durch, den Spiller leet den Ball zreck an den Stiermer dréckt de Ball an de Goal

 

 

 

75' grouss Chance fir Jonglënster, de Pires kratzt den Ball vun der Linn

 

 

 

90' Junglinster schöisst e Fräistouss op de Poteau

 

 

 

Fazit: An engem éischter schwache Match, deelen sech béid Equipen d'Punkten. Berbourg huet dem Géigner de Ball iwerlooss an huet op Conter gespillt. Leider konnten mir nët vum Ausrutscher vun der Millebach profitéieren, eis Géigner hannert eis haalen mer awer op Distanz.

 

 

 

Nächsten Sonndeg kënnt et dann zum Spëtzenduell an eiser Division, wou Berbourg dann op der Millebach alles muss ginn fir am Rennen ze bleiwen.

 

 

 

Dofir bieden mir eis Supporter eis nächste Sondeg zahlreich op d Millenbaach ënnerstetzen ze kommen.

 

 

 

Équipe : Lima, Benner, Weidert, dos Santos, Pires, Sabotic, Diop, Wagner, da Cruz, Boussi, da Luz

 

Reserve: Hristov, Göpel, Laouira, Schuster, Sauber

 

Do

23

Mär

2017

De Luc Muller häellt nô der Saison als Trainer zu Berbourg op

Eisen Trainer Luc Muller huet eis matgedeelt dass hien aus reng privaten Grënn den Trainerposten nët iwwert dës Saison eraus wäert weider besetzen.

 

De Verän gefäelt dem Luc Muller ganz gutt, mee aus zäitlechen Grënn kéint hien seng Aarbecht als Trainer nët op dem Niveau weiderféieren wéi bis elo.

 

 

De Comité vum Veräin huet dës Decisioun akzeptéiert, a wäert den angeschloene Wee weiderféieren

Mi

22

Mär

2017

Seniors 2: Wichteg Punkten am Kampf géint den Ofstieg

Entente Mensdorf-Wuermer - FC Berdenia Berbuerg 1:2 (0:2)

 

Evolutioun vum Score: 0 :1   0 :2   1 :2

Arbitter: Leonel Marques

 

Goaler:  Dany LeConte 2 

Giel Kaart: Pitzen Jo; Sauber Chris;

 

Equipe : Faber Sam ; Hoscheid Serge ; Schrantz Max ; Eric Frondizi (C); Chennaux Pit ; Sauber Chris ; LeConte Dany ; Göpel Jaspar ; Freitas Yannick; Costa André ; Frank Christophe 

Réserve: Pitzen Jo (65' fir André Costa) ; Schrantz Bob (70' fir Dany LeConte)

 

Fazit: Dräi wichteg Punkten am Kampf géint den Oofstieg! Mat enger engagéierter Leeschtung vun der ganzer Équipe hu mir zu Mënster de Match an de Géigner am Grëff gehaat. Een gutt opgeluechten Sam Faber huet mat diversen glänzenden Interventiounen och dozou bäigedroen fir deen Avantage ze behaalen. 

 

Lo gëllt et am Heemmatch e Freideg géint Millebaach och dogéint ze haalen an versichen déi 3 Punkten heiheem ze gewannen. Mir si Berbuerg!

Mi

22

Mär

2017

Seniors 1: Match géint Bartreng ass reportéiert ginn

Eis Spiller an eng Réih Supporter haaten de Wee op Bartreng e Sondeg fir néischt gemach. Den Terrain war an engem schlechten Zoustand an de Match konnt nët gespillt ginn. Ass et esou wéi ee vun eisen Unhänger sôt: "Schued, dat déi aarm Gemengen am Zentrum nët genuch Geld hunn fir hierem Fussballveräin en uerdentlechen Terrain zur Verfügung ze stellen"?

 

Sëcher gespillt gëtt awer dëse Sondeg, 26.03.2017 zu Berbourg am Lokalderby géint den FC Jonglënster. Virdrun lued de Veräin Iech an op séin Fréijârsfest am Beaurepaire, wou Dir mat eise Membren, Supporteren a ville Frënn vum Berbourger Fussball kënnt gemittlech zu Mëtteg iessen, an dann  um 16:00 Auer mat an de Stade Renert goën, fir eis Equipe kräfteg unzefeieren.

Mi

15

Mär

2017

Fréijârsfest vum FC Berdenia Berbourg

Mi

15

Mär

2017

Seniors 2: Nach keng Punkten an der Réckronn

Berdenia Berbuerg - The Belval Belvaux  2:4

 

 

 

Evolutioun vum Score: 0:1;  0:2;  0-3; 1:3; 1:4;2:4

 

Arbitter: Dosseray Patrick 

 

Goaler: Frank Christophe ; Costa André 

 

 

Giel Kaart: Göpel Jaspar

 

 

 

Equipe:  Faber Sam ; Hoscheid Serge ; Schrantz Max ; Chennaux Pit ; Sauber Chris; Guth Serge (c); Frondizi Eric ; Göpel Jaspar ; Leconte Danny ; Benner Daniel ; Frank Christophe 

 

Reserve: Costa André (65' fir Eric Frondizi) ; Laugs Laurent ; Schommer Wenzel (60' fir Göpel Jaspar); Pitzen Jo (75' fir Frank Christophe); Freitas Yannick

 

 

 

Fazit: Oofhaaken an weider...! Verschidden gutt Akzenter a schéint Spill, mee leider ze ufälleg an der Verteidigung.  Mir mussen lo zu Mënster den Knuet platzen loossen.

 

 

 

 

 

Berdenia Berbuerg - Entdente Differdange Luna  1:2

 

 

 

Evolutioun vum Score: 1:0; 1:1; 1:2

 

Arbitter: Dosseray Patrick 

 

 

Goaler: Jaspar Göpel 

 

 

Giel Kaart: Leconte Danny ; Schuster David; Guth Serge; Costa André

 

 

 

 

Equipe: Hristov Georgi ; Leconte Danny; Ruppert Ben; Guth Serge (c) ; Sauber Chris; Frondizi Eric; Schommer Wenzel ; Göpel Jaspar; Schuster David ; Benner Daniel; Costa André

 

Reserve: Frank Christophe (60' fir Costa André); Hoscheid Serge ; Schrantz Max (70' fir Frondizi Eric) ; Pitzen Jo ; Chennaux Pit

 

 

 

Fazit: Fir d'Rëckronn haaten mir éis jo vill firgeholl, mee leider ass am éischten Match näischt Zielbares dobäi raus komm.  Ee gudden Match, eng gutt Leeschtung mee et ass éis verwiert bliwwen e Succés ze verbuchen. Obwuel mir méi wéi genuch Chancen haaten, an esouguer an der Schlussphase mat engem 11-Meter e remis hätten kënnem erkämpfen, bleift éis soss näischt iwwreg wei weider ze schaffen an weider drun ze gleewen. 

 

 

 

 

 

 

 

Di

14

Mär

2017

Seniors I : Berbourg weiderhin an der Erfollegsspur

 

FC Berdenia Berbourg – FC Yellow Boys Weiler 4:2 (1:0)

 

 

Och d’Yellow Boys vu Weiler konnten eis éischt Equipe leschte Sonndeg nët stoppen. Bei sonnegem Freijoerswierder konnten eis Jongen sech schlussendlech ouni gréisser Problemer mat 4:2 behaapten.

 

 

Den Match huet allerdings relativ zerfueren ugefaang. Vill Passen sin net ukomm an allgemeng huet Zesummenspill bei eisen Farwen net sou gudd gepasst wei mer daat bis elo an der Saison gewinnt waren.

 

Et huet bis zur 35 Minutt gedauert ier mer op eng Standartsituatioun hinn mat 1:0 a Féierung gaangen sinn.

 

Ronn 25 Meter virum Weiler Goal kéie mer ee Fräistouss zougesprach. De Claudio Da Luz hëllt sech der Saach un a säi Schoss gëtt, liicht ofgefälscht, onhaalbar fir den Keeper.

 

Mat diem Resultat sollt et och an t’Paus goen.

 

Nom Téi ass et dunn och mei flësseg bei eiser Equipe gelaaf. Mir hun t’Partie gudd verwalt an an der 57 Minutt fällt den 2:0. Den Achmed Boussi spillt sech iwer lënks schei fräi a seng präzis Flank kann nees de Claudio Da Luz mat engem plazéierten Käpper verwerten.

 

Weiler koum zu ee puer méi klenge Chancen, déi awer schlussendlech keng Gefoor sollten duerstellen.

 

An der 72 Minutt dunn den 3:0, wéi dien fréi am Match agewiesselten David Schuster seng enorm Schnellegkeet ënner Beweis gestallt huet, andiems en iwert déi riets Sait zitt, do mam Ball um Fouss méi schnell ass wéi säi Geigenspiller, fir dann am 16ter mat engem präzisen Schoss an de laangen Eck ze markéieren.

 

No dësem Goal ass Weiler dun awer och erwächt an hiren agewiesselten Stiermer sollt an der Schlussveirelstonn nach fir vill Gefor suergen an sou war et och net verwonnerlech, dass hien no engem Feeler an eiser Défense den 3:1 markéiert.

 

Dat eisen Trainer eng gudd Händchen an dëser Partie haat, beweist den 4:1, dien mir an der 85 Minutt duerch den ebenfalls agewiesselten Pit Wagner kënne schéissen.

 

Hien setzt op der lënkser Sait zum Dribbling un, léisst e puer Weiler Verteideger stoen an kann dun alleng virum Keeper ofschléissen.

 

Domat war den Match gelaaf, och wann dei Weiler an der Nospillzäit nach kënnen op 4:2 verkierzen.

 

Alles an allem bleiwt et awer bei enger verdingter Victoire fir eis Faarwen a mir kënnen eis 2. Tabelleplaatz festegen.

 

Nächsten Sonndeg steet dann ee ganz wichtegen Match um Rendez-Vous, wa mer op dem schwéier bespillbaren Terrain zu Bartreng géint den Tabellen-Drëtten probéieren wäerten eis Serie auszebauen.

 

Ugepaff gët wei üblech um 16:00, mir freeën eis iwwer Äer Ënnerstëtzung.

 

Equipe : Lima, Blau, Dos Santos ; Weidert, Pires, Kaufmann, Diop, Sabotic, Boussi, Laouira, da Luz

 

Reserve : Faber, Wagner, Schuster, Benner, LeConte