Fr

02

Dez

2016

Budenzauber Edition 2017

Wéi wier et, wann et bis zum Schluss spannend wier ? De Match kann zu all Moment nach gedréit ginn ! Wou gëtt et dat?

 

Zu Berbuerg op der 2. Editioun vum BUDENZAUBER! Mir presentéieren ee liicht aneren Halentournoi. De Prinzip ass deen hei : Gespillt gëtt 3 géint 3 iwwert een hallwen Halenterrain op 2 Bambinisgoaler. Ganz am Sënn vum Kings of Penalty ginn nom Match nach Penaltyen op déi normal Halegoaler geschoss! An zwar kritt all Equipe sou vill Penaltyen ze schéissen wéi se am Match Goaler kasséiert huet, maximal awer 5! Ee kléngt Beispill: D’Equipe A gewënnt 3-2 géint d’Equipe B. D’Equipe A kritt deemno 2 Penaltyen an d’Equipe B der 3, sou dass am Penaltyschéissen nach alles geschéie kann!
Dat ganzt fënnt statt de 14.Januar 2017 zu Berbuerg an der Sportshal. Lass geet et um 17:00.

 

Dee ganzen Owend ass fir Budenzauber a Furri gesuergt. Et gëtt eppes géint den Duuscht, ee gudden Chili an och nach aaner Snacks.
Ze gewannen gëtt et natierlech och eppes: De Gewënner kritt 200€, deen 2. 125€, deen 3. 75€ an dee 4. kritt ee Meter Béier. Dobäi kënnt nach eng Gratis-Inscriptioun fir déi 4 Éischt fir de Kings of Penalty, deen den 10. Juni 2017 stattfënnt. D’Präisiwwerreechung mat Ofschlossparty ass dann ab ongeféier 22:30!


Umelle kënnt der iech iwwer berdenia.berbourg@gmail.com Maacht iech bäi, den Tournoi ass op 20 Equipe begrenzt!


Eng Equipe muss aus mindestens 5 Spiller bestoen, all Spiller därf just bei enger Equipe matspillen. De Mindestalter ass 16 Joër.


D’Startgebühr bedréit 30€, an deem Präis ass och schonn ee 6er Tray Béier fir d’Equipe mat dran.

Fr

02

Dez

2016

Eis Jugendéquipen am Asaatz

 

Juniors

 

 

 

3/12 16:30

 

FC 72 Erpeldange - ENT CSG/Berbourg/Biwer

 

(Da Silva Gomes Joaquim Daniel)

 

Terrain 2 (Erpeldange, synth.)

 

 

 

Cadets:

 

 

 

04.12.14.00

 

U17 I - SC Bettembourg Stade Flohr 2

 

(Grevenmacher, synth.)

 

 

 

4/12 13:30

 

ENT Echternach/Rosport/Berdorf/UMW II - ENT Berbourg/Biwer/CSG II

 

(Behlke Karsten)

 

Terrain Breil (Echternach, synth.)

 

 

 

 

 

Scolaires

 

 

 

3/12 16:00

 

Red Star Merl-Belair I - ENT Biwer/CSG/Berbourg

 

(Bragoni Danilo)

 

Stade Prince Jean (Luxembourg, synth.)

 

 

 

Minimes

 

 

 

3/12 14:30

 

ENT Differdange/Luna III - ENT Biwer/Berbourg/CSG I

 

(Glesener Tiziano)

 

Stade Municipal Differdange  Terrain 2 (synth.)

 

 

 

3/12 14:30

 

US Sandweiler - ENT CSG/Berbourg/Biwer II

 

0 - 3 (FF)

 

 

 

Poussins

 

4/12 10:30

 

Union Remich/Bous - ENT CSG/Berbourg/Biwer

 

(Thill Joseph) Terrain Jos Durbach (Bous, synth.)

 

 

 

Fr

02

Dez

2016

Seniors 1: Berbourg weiderhinn op der gudder Piste

 

Berdenia Berbourg – CS Sanem   3:1 (2:0)

 

 

 

Och um zweetleschte Spilldag vun der Hironn ka Berbourg nët bezwongen ginn, a baut de Virsprong op di 3. Tabellenplaatz op 7 Punkten aus!

 

Leschten Sonnden stoungen sech mat Berbourg als Tabellenzweeten an dem CS. Sanem, dem ganz staarken Opsteiger als Tabellendrëtten di zwou „Iwwerraschungsequipen“ aus der Hironn am Spëtzematch géintiwwer.

 

De Match sollt och halen wat d’Entête versprach huet.

 

Eis Jongen sinn nëmmen schwéier an den Match komm, an hu sech di 1. Véierelsstonn schwéier gedoen de Géigner an den Grëff ze kréien. Esou war et den C.S. Sanem deen eis uerdentlech ënner Drock gesat huet, an zu 3 héichkarätegen Chancen konnt kommen, di awer entweder vun engem gutt opgeluechten Sam Faber, resp. vun eiser Verteidegung konnt entschäerft ginn.

 

Dono koumen eis Jongen dann ëmmer besser an de Match: an der 27 Minutt kréien mir e Fräistouss zougeschwaat, deen den Da Cruz wonnerbar op den laange Potto bréngt a vum Da Luz an den Filet gekäppt gëtt.

 

Nom 1:0 hunn die Berbourger den Drock héich gehalen, an an der 33 Minutt schéckt erëm den Da Cruz de Boussi mat engem gutt getimten Uspill an d’Déift, dësen leet den Ball laanscht de Kipper an de Goal.

 

Sanem war liischt ënner Schock, a Berbourg huet sech bis zur Paus nach zwou – dräi goud Occasiounen erausgespillt, et sollt allerdéngs mam 2:0 an d’Paus goen.

 

Di 2 Halschent war nach keng Minutt al, wie den Da Cruz den da Luz fräispillt, an dësen dreschen zum 3-0 eransetzt.

 

Uschléissend hunn di Berbourger den Drock erausgeholl, an et huet een gesinn dass Sie den Score wollten verwalten, Sanem huet dëst dankbar ugeholl, an et huet een gesinn dass Sie den Match nach net wollten opginn. Sie hunn sech ëmmer erëm goud Chancen erausgespillt, an op eng schéin Kombinatioun hin sollt dann och nach den 3:1 falen.

 

Domatter stoung d’Resultat awer dunn och fest.

 

Et muss een soen dass den staarken Opsteiger vun Sanem zourecht do steet wou se stinn, eng spillstaark Equipe di net opgëtt. Dëst ass eng Qualitéit di awer sécherlech och di Berbourger dess Saison auszeechent.

 

Lo gëllt et dëse Weekend géint Mënsbech di beschten Hironn aus der Veräinsgeschicht mat 3 weideren Punkten oofzeschléissen. Rendez-vous ass e Sondeg, 04.12.2016 um 16:00 Auer zu Mënsbech.

 

Equipe: Faber, Blau, Nadilson, Kaufmann, Sauber, contrino, Sabotic, Diop, Boussi, da cruz, da Luz

 

Reserve : Hristov, Leconte,Toppmöller,Petry

 

So

27

Nov

2016

Assurances André Dohm sponsort Berbourger Pupilles

Virum Match géint d'Equipe vun Iechternach, konnt den Trainer Pol Crelo a seng Equipe, nei Trainingsjacketten aus den Hänn vum André Dohm entgéint huelen. Als Vertrieder vum Comité huet de Laurent François dem André Dohm Merci gesôt fir dëse schéine Geste fir eis Jugend. Den Äender Dohm war selwer Jugend- an 1.Equipespiller an eisem Veräin, an ass haut Patron vum Betrieb Assurances Dohm. Him e grousse Merci!

Mi

23

Nov

2016

Seniors 1: Und ewig grüsst das Murmeltier, keng Victoire zu Itzig

Blô Wäiss Itzig – Berdenia Berbourg 1:1 (1:0)

 

 

 

Itzeg ass vun Ufank u kloër déi bescht Equipe a geet och verdéngt an der 4 min. a Féierung.

 

 

 

Et häett nô 20 min. och schon 2:0 oder 3:0 kënne stoen. Duernô kommen eis Jongen awer besser an de Match a spillen sech durch Boussi an Da Luz zwou gutt Chancen eraus.An der 38 min. käeppt den Da Luz nô engem Corner nëmme knapp iwert den Goal

 

 

 

Halbzaitresultat 1 - 0

 

 

 

47' Fraistouss vum Toppmoeller un d' Laat.

 

 

 

Berbourg ass no der Halbzait gudd an den Match komm, an der  55 min gëtt en Toppmoeller vum Da Cruz gutt an Szene gesaat, ka gutt ofschléissen, mee den Keeper haelt gutt. An der 59 min Goal fir Berbourg, nô engemFräistouss vum Da Cruz käeppt den Diop de Ball eran.

 

 

 

Béi engem gudde Fräistouss vum Toppmoeller, geet de Ball nëmme knapp iwert de Goal. Berbourg dréckt weider, Itzig kritt de Ball nët méi ze gesinn. An der 76 min eng gutt Chance fir Itzig, mat engem Wäitschoss probéiert de Stiermer de Faber ze iwerraschen, mee deen paréiert de Ball gutt.

 

 

 

An der 91 min käeppt den da Luz de Ball super richtung Goal, mee de Verteideger kratzt de Ball vun der Linn.

 

 

 

Fazit: An enger ganz schwacher Parti spillen eis Jongen verdéngt 1:1. E logescht Resultat wann een dei 90 Minuten kuckt, an deenen Berbourg nie weisen konnt wiesou mer op der zweeter Tabellenplaatz sinn a 35 Goler geschoss hun. Un der Tabellensituatioun huet sech nët vill geäennert. Nächste Weekend geet !et am Spëtzenduell géint Suessem ëm ganz vill fir eis Equipe. Mir hoffen dir kommt all fir eis ze ënnerstetzen.

 

 

 

Equipe : Faber, Kaufmann, Pires, Dos Santos, Weidert, Diop, Sabotic, Da Cruz, Contrino, Boussi, Da Luz

 

Reserve: Hristov, Sauber, Dahm, Le Conte, Toppmosdeller

 

 

 

Mi

23

Nov

2016

Seniors 2: Keng Punkten béim Leader

Berdenia Berbourg - RM Hamm Benfica 0:5 (0:4)

Wieder: Kaal Reen 5°
Terrain: Synthetesch

Zuschauer: +- 20

Arbitter: Macedo Pereira Jorge Alexandre
Goaler:/
Giel Kaart:/
Roud Kaart:


Nô enger gudder Reaktioun d'lescht Woch géint den Swift Hesper, loossen mir weiderhin doheem éisen Punktestand op null.Wéi verhext schéngt éisen Heemviirdeel ze sin... !

 

Et war éis schons kloer daat et géint den Leader an Favorit zum Opstiig keng einfach Aufgab wier. Obwuel mir ganz gudd an de Match komm sin ann och direkt mat 3 Aktiounen, fir Gefoor virum géignereschen Goal gesuergt hun, hu mir am entscheedenen Moment, déi néideg Réussite an Efficacitéit nët zu Daag geluecht.

 

Am Géigenzoch hu mir direkt op déi éischt geféierlech Aktioun vum Géigner den 0:1 kasséiert. 

An da waren déi lescht 20 Minuten vun der éischter Hallschent, eng Mëschung aus kollektivem an individuellem Versoën.

 

3 Goaler kasséieren mir an deem Zäitraum, an daat mat enger nervenobreiwender Passivitéit. 

An der zweeter Halschent hu mir just nach ee Géigegoal kasséiert an domadder mat  0:5 géint de Leader RM Hamm Benfica verluer.

Lo heescht et dee Match oofzehaaken an d'nächst Woch am Kellerduell géint Remich-Bous erëm als Gewënner vum Terrain ze goen. Et ass eise leschten Match an dëser Hinronn, an et gëllt fir mat engem positiven Resultat an d'verdëngte Wanterpaus ze goen.

 

Fazit: D'Réckronn muss sech villes änneren an den Triner ass iwwerzeegt, dat wa mir all rëm u Bord sinn, dat mir den Klassenerhalt packen. 

 


Mir si Berbuerg!!!


Équipe: Bob Schrantz; Serge Hoscheid; Jo Pitzen; Ben Ruppert; Yves Dahm;Dany LeConte; Alex Thill; Jacques Scholtes; Chris Sauber; Tommy Toppmöller; Frank Christophe
Reserve:Yannick Freitas (45’ agewiesselt fir den Frank Christophe); Jérôme Oswald (45’ agewiesselt fir den Danny Leconte); Max Schrantz  (60’ agewiesselt fir den Tommy Toppmöller)

 

Di

15

Nov

2016

Berbourg wënnt géint e ganz gudden Géigner aus dem Paffendall

Berdenia Berbourg - FC Red Black Egalité 07 Pfaffenthal-Weimerskirch 3:1 (1:1)

 

 

 

An engem schwéieren Match konnt eis Equipe sech zum Schluss géint de Paffendall mat 3:1 durchsetzen.

 

 

 

Vun Ufank un huet Berbourg probéiert de Match an d’Hand ze huelen. Mir haaten och direkt eng éischt gutt Chance an der 5 Minute durch de Contrino, dien de Ball laancht de Goal käppt nô enger gudder Viraarbecht vum Boussi op der rietser Säit.

 

 

 

An der 10 Minutt war et dunn de Boussi dien de Ball nëmme knapp laancht de Goal setzt.

 

 

 

Ab deem Moment ass de Red Black besser an d’Spill komm, huet am Mëttelfeld de Raum besser besaat an haat och méi de Ball. Nodeems sie dann 2 gutt Chancen haaten, konnten see an der 15 Minutt durch en Fräistouss op 20m mat 0:1 an Féierung goen.

 

 

 

Eis Equipe huet 10 Minuten gebraucht bis se sech erëm akritt huet, während dëser Zäit huet eisen Keeper 2 mol entscheedent missen agreifen.

 

 

 

An der 27 Minute gouf de Pires durch den Da Luz gutt op lenks gescheeckt, dien setzt sech géint säi Géigespiller duerch a flankt op den zweeten Poto wou de Boussi den Ball propper an den Goal käppt.

 

 

 

Bis zur Halbzäit ass nach vill am Mëttelfeld gespillt ginn, awer ouni grouss Goalchancen op deenen zwou Säiten.

 

 

 

Halbzäitstand : 1:1

 

 

 

An der zweeter Halbzäit huet ee vun Ufank ugesin dat eis Equipe denMatch wollt wannen. De Block stoung méi héich, huet méi fréi gestéiert an esou baal mer am Ballbesetz waren hu mer Richtung Goal gezunn.

 

 

 

Esou war et dann och net verwonnerlech dass Berbourg direkt an der 50 Minutt den 2:1 schéisst.

 

De Boussi leet eng super Aktioun an, gëtt de Ball op den Toppmöller eriwer dien vun lenks eng perfekt Flank op den Da Luz brengt. Den Da Luz käppt den Ball perfekt Richtung Goal, de gudden Paffendaller Keeper hällt den Ball, mee de Boussi kann am Nôschoss de Ball an de Goal drecken.

 

 

 

Ab deem Moment stoung d’Berbourger Victoire eigentlech nie a Fro. Berbourg huet weider no fir gespillt an de Red Black huet sech ëmmer méi zréck gezunn a probéiert op Conter ze markéieren. Hei huet ee gesinn dat déi méi grouss Erfahrung an déi besser Konditioun op eiser Säit war.

 

 

 

Berbourg konnt sech nach eng Reih ganz gutt Chancen eraus spillen. De Red Black huet an der 78 an an der 82 Minutt zwou super Konterchancen net eragesaat, déi de Faber all Keiers an den Corner déviéieren konnt.

 

 

 

Och op Konter hinn konnt den Da Luz den 3:1 marköieren op gudder Viraarbecht vum Boussi.

 

 

 

Fazit : Berbourg konnt durch seng grouss Erfahrung de Match fir sech entscheeden a bleiwt domadder op 1 Punkt vun der éischter Plaatz an esou am Opstiegskampf.

 

 

 

Equipe : Faber ; Kaufmann ; Dos Santos ; Weidert ; Pires ; Sabotic ; Diop ; Da Cruz ; Contrino ; Da Luz ; Boussi

 

 

 

Reserve : Hristov ; Dahm ; Le Conte ; Toppmöller ; Petry

 

Mo

14

Nov

2016

Seniors 2: Victoire um Holleschbierg

Swift Hesperange - Berdenia Berbourg 1:4 (1:1)

Wierder: Kaal Reen 7°

Terrain: Gras

Zuschauer: +- 25

Arbitter: Schmitz Jean

Evolutioun vum Score:

1:0  1:1   HZ  1:2 1:3 1:4


Goaler:

Dany LeConte 

Yannick Freitas

Christophe Frank 2x


Giel Kaart: //////////////////


Roud Kaart: //////////////////



No eisem Aussetzer, d'lescht Woch géint d'UMW, war et rëm un der Zäit wackreg ze ginn an am Kellerduell en Zeechen ze setzen, waat den Jongen och am Groussen a Ganzen gelongen ass. Op engem schwéieren Terrain hun mir vun Unfank un déi beschten Chancen gehaat. Daat den Ball nët éischter de Wee an de géignerechen Goal fonnt huet, loung gréisstendeels um gudden Hesper Goalkeeper. 

 

Géint de Laaf vum Match, kënnt Hesper zur 1:0 Féierung no engem Corner wou no engem Gewullsl am 5m-Raum, hiiren Spiller de Ball entscheedend an den Goal dréckt . No enger Grätsch vun hannen géint den Yves Dahm, wou wäit an breed kee Ball ze gesi war, kritt hiiren Aussenspiller eng roud Kaart.  

Kuerz virun der Halbzeit schéisst den Dany Leconte no Viirarbescht vum David Schuster  den 1:1 .

 

Nom Téi hu mir zwar nët méi sou dominéiert , obwuel mir lo een Mann méi haaten. Mee hannen hu mir dichtgehaal an hunn offensiv op Konteren a mat schnellen Transitiounen de Géigner ëmmer rëm iwwerrumpelt, an hunn déi besser Chancen gehaat.

 

Den agewiesselten Yannick Freitas gouf um 18m ugespillt, verlued den Verteidiger mat engem Crochet an hummert de Ball onhaalbar an d'Netz. Domadder war den Knued geplatzt an et war dunn Showtime fir éisen Panzer an der Spëtzt. De Christophe Frank huet an deene läschten Matcher sou vill gerackert fir d'Équipe daat hien sech lo endlech mat deenen 2 Goaler belount huet.

 

Staark Optrëtter vun éisen “néien” "Recruen Jacques Scholtes, Pit Wagner an David Schuster.

 

Stolz op aer Leeschtung, Männer!

 

Nächsten Freideg gleewt den Trainer un eng Iwwerraschung géint den Leader RM Hamm.

 

Mir si Berbuerg!!!

 


Équipe: Georgi Hristov; Jacques Scholtes; Serge Guth (C) ; Jo Pitzen ; Ben Ruppert ; Dany LeConte ; Wenzel Schommer; Pit Wagner; Yves Dahm ; Christophe Frank ; David Schuster 

Reserve : Yannick Freitas (65' agewiesselt fir den Pit Wagner) ; Laurent Laugs (72’ agewiesselt fir den Jacques Scholtes)

Mo

14

Nov

2016

Kaputzen-Pullover vum FC Berdenia Berbourg fir déi kaal Jâreszäit

FLYER Kaputzen-Pullover 2016.pdf
Adobe Acrobat Dokument 366.2 KB

Mi

09

Nov

2016

Seniors 2: Keng Punkten géint UMW

Berdenia Berbourg – Union Mertert-Wasserbillig  0:2 (0:1)

 

 

Wieder: Kaal Reen 7°

 

Terrain: Gras

 

Zuschauer: +- 30

 

Arbitter: Roseiro Bernardino Mario Filipe

 

Goaler: //////////////////

 

 

 

Giel Kaart: Serge Guth, Max Schrantz

 

Roud Kaart: //////////////////

 

 

Leider war et éisen Faarwen net vergonnt déi selwescht Leeschtung wei géint Scheffleng hinzeleeën. Et war phasenweis nët ze kucken wei éis Mannschaft sech präsentéiert huet. Vill ze vill Fehlpäss am Spillopbau, individuell Fehler am defensiven Beräich hunn eis schlussendlech rem 3 Punkten kascht.

 

Wat elo, Quo vadis, zweet Équipe ?

 

 

Den Trainer seet: Time to wake up, mir hunn elo 2 Matcher géint Leidensgenossen aus dem Keller: Wannen ass d'Motto!!!

 

 

 

Mir si Berbuerg!!!

 

 

 

Equipe: Bob Schrantz, Serge Hoscheid, Serge Guth (c), Chris Sauber, Ben Ruppert, Dany LeConte, Max Schrantz, Wenzel Schommer, Yves Dahm, Frank Christophe, Jérôme Oswald

 

Reserve:  Yannick Freitas (45’ angewiesselt fir den Serge Hoscheid); Alex Thill (45’ angewiesselt fir den Wenzel Schommer, Laurent Laugs (82’ angewiesselt fir den Max Schrantz)

 

 

 

Di

08

Nov

2016

Seniors 1: Staarken Optrëtt zu Wuermer op der Koeppchen

Viru ville Berbuerger Supporter haat eis Equipe e ganz staarken Optrëtt , an huet de Match während 90 Minutten dominéiert. Et wat en Dag wou Alles gestëmmt huet, a déi Berbuerger méi wéi zefridden d’Heemrees  mat 3 Punkten am Gepäck konnt untrieden.

 

Déi éischt Chance vum Match haaten d’Haushären vu Wuermer, wou eis Ofwier a leschter Sekonn konnt zum Korner klaeren! Déi Wuermer waren och besser an de Match komm, mee bestrofen sech an der 7.Minutt selwer! De Goalkipp degagéiert de Ball ouni Bedräengis dem Ahmed Boussi an de Fouss, deen dann am 1 géint 1 lenks laanscht de Keeper zéit an déi Berbuerger domat 1:0 a Féierung bréngt!

 

Nô enger schéiner Kombinatioun an der 15.Minutt, kënnt de Ball raus op déi riets Säit, wou den opgereckelten Rietsverteideger Blau eng proper Flank eraschléit, an do den Da Luz fënnt, deen aus 5m rakaeppt. Domat stung et schon no enger Veirelstonn 2:0 fir eis Berbuerger Equipe!

 

Den Da Luz probéiert et an der 26. Minutt mat engem Wäitschoss deen awer knapp driwer geet! Duernô scheitert de Boussi um Keeper, hëllt awer direkt drop um 16m Eck e Fräistous raus! Mat engem wonnerschéine Fräistouss erhéicht den da Cruz op 3:0, a mat deem Resultat geet et dann och an d’Paus

 

Nô der Halbzäit probéieren déi Wuermer erëm an de Match ze kommen an haaten och 2 kleng Chancen. Mee eis Jongen machen dann  de Saak entgülteg zou, wéi de Petry iwer riets geet an de Ball flach op den Da Luz raspillt! Dëse léisst dem Keeper keng Chance an erhéicht op 4:0

 

Wei dann an der 77 Minutt de Keeper vu Wuermer ausserhalb vum 16m dribbelt an de Ball verléiert, trëfft de Petry mat engem Schoss aus 35m zum héichverdengten Endresultat vun 5:0.

 

Gutt Chancen vun den 2 Awiesselspiller Sauber an Toppmoeller sinn dann un der Laat an um  Keeper gescheitert.

 

Domat hun eis Jongen no enger ganz gudder Leeschtung och an der Héicht verdéngt gewonn, a freeën sech op e Samsden 12.11.2016 um 18:00 op de Match doheem géint den Opsteiger aus dem Paafendall

 

Equipe: Lima, Blau, Weidert, Dos Santos, Da Cruz, Kaufmann, Diop, Petry, Boussi, Contrino, Da Luz

Reserve: Faber, Leconte, Sauber, Toppmoeller, Pires

 

So

06

Nov

2016

Coupe FLF: Berbourg I wënnt héich

Berdenia Berbourg - Minière Lasauvage 9:0

 

Kee Problem haat Berbourg géint den 3-Divisionär aus dem Süden, a kann de Match héich mat 9:0 wannen. Domadder steet eise Veräin an der 1/16 Finale vun der Coupe FLF.

 

Goaler:

 

Boussi. 2

Contrino 1

Dahm 1

Lima 2

Toppmöeller 2

Weidert 1

 

Weider geet ët haut Sondeg, de 6 November 2016 um 16:00 Auer auswäerts géint Wormeldange, dem aktuellen Tabellevéierten. 

 

 

Mo

24

Okt

2016

3 Punkten géint eng staark Schëfflenger Equipe

Berdenia Berbourg - FC Schifflange 95 3:2 (2:1)

 

Während déi 1. Halbzäit éischter langweileg an ouni vill Héichpunkter war, hunn déi vill Berbuerger Supporter nôm Téi e spannenden an intensive Match gesinn, dien bis zum Schluss spannend war, an et awer nach zu engem richteg flotte Fussballsondeg komm ass.

 

5' éischt gefeierlech Aktioun fir Scheffleng, de Luis am Goal verschätzt sech an den Stiermer kënnt un de Ball, schéisst dësen awer laanscht de Goal.

 

6' 1:0 fir Berbourg

En diagonalen Fräistouss vum Da Cruz an de Réck vun der Verteidegung, de Michael Blau hëllt de Ball mat an schéisst en eran

 

13' Grouss chance fir Scheffleng: de Ball gëtt vu lenks flaach durch den Strofraum geflankt wou den Stiermer um 2 Poteau den Ball nëmme knapp verpasst

 

18' 1:1 nô engem Fräistouss schéisst de Schefflenger am Nôschoss de Ball an de Goal

 

Halbzäit 1:1

 

48' 1:2 Nô engem laange Fräistouss an de Réck vun eiser Verteidegung huet de Stiermer kee Problem fir de Ball eran ze schéissen.

 

50' No enger gudder Flank vum Boussi schéisst den Da Cruz vun 11m op den Goal, de Schefflenger Keeper kann awer gutt paréieren

 

55' 2:2 Op Corner hin käppt den Dos Santos de Ball an den Goal

 

63' 3:2 Nô Flank op riets vum Boussi, käppt de Contrino de Ball an de Goal

 

70' gudden Wäitschoss vum Boussi iwert de Goal

 

89' Nô Fräistouss leet de Sabotic eriwwer op de Piresm dëse schéisst op de Goal, den Keeper hällt e gutt

 

Endstand 3:2 fir Berbourg

 

Fazit: An engem bis zum Schluss spannenden Match ka Berbourg sech mat 3:2 géint Scheffleng durchsetzen. No enger vu beide Seiten schlechter éischter Halbzait ass an der zweeter Halbzait vill besseren Fussball gespillt gin. Berbourg huet tescht der 20er an 80er Minute den Match dominéiert an domadder verdengt gewonnen.

 

Am Championat leien mir elo op enger ganz gudder zweeter Plaatz, mee och an der Coupe FLF gengen mir gäeren 1 Tour weider kommen. Dô geet et nächste Samstdeg um 18:00 Auer doheem géint Lasauvage. Och dô wier et schein wann eis Zuschauer eis weiderhin esou géingen ënnerstëtzen. Dofir schon mol e groussen Merci.

 

 

Équipe : Lima, Weidert, Blau, Dos Santos, Kaufmann, Sabotic, Diop, Da Luz, Boussi, Da Cruz, Contrino

Reserve: Faber, Leconte, Sauber, Petry, Pires

Sa

22

Okt

2016

Eischt 3 Punkten fir Berbourg 2

Wann et am Spill géint US Hostert och nach nët geklappt huet, esou huet eng kampfstaark Berbuerger Equipe mat vill Assatz auswäerts zu Schëffleng, déi éischt 3 Punkten mat heembruecht.

 

Berdenia Berbourg - US Hostert 1:2


Wierder: Fiischtkaal, Schaueren 10°c

Terrain: Gras

Zuschauer: +- 30
Arbitter: Quiterio Diogo

 

Evolutioun vum Score:
1:0 HZ
1:2

 

Goaler: Jo Pitzen

Giel Kaart: Guth Serge
Roud Kaart: /

 

Fazit:

 

An engem Match wou mir gutt gekämpft hunn an awer verluer hun, ass den Trouscht dem Jo Pitzen säi Goal fir den 1:2.

„MIR SIN BERBUERG!!!“

Équipe:


Bob Schrantz; Charel Weidert; Ben Ruppert; Pol Petry; Chris Sauber; Serge Guth (c); Wenzel  Schommer; Yves Dahm; Claude Hoffmann; Kiki Frank; Yannick Freitas

Reserve:
Laurent Laugs (agewiesselt an der 60’ fir den Yannick Freitas)
Jo Pitzen (agewiesselt an der 65’ fir den Claude Hoffmann)
Serge Hoscheid (agewiesselt an der 80’ fir den Kiki Frank)

 

 


FC Schifflange 95 - Berdenia Berbourg 1:3


Wierder: Fiischtkaal, 7°

Terrain: Syntheteschen

Zuschauer: +- 50

Arbitter: Majerus Paul


Evolutioun vum Score:


1:2 HZ

1:3 ER


Goaler:

Jérôme Oswald (10')

Yves Dahm (15')

Chris Sauber (85')

Giel Kaart: Guth Serge; Jo Pitzen


Roud Kaart: /

Fazit:


Éis éischt dräi Punkten fir dës Saison an daat auswärts géint eng spillstaark Schëfflenger Équipe, déi et net fäerdeg bruecht huet éis Jongen a Bedrängnis ze brengen.

 

Souverän huet éis Véirerketten mam Wenzel als Sechser dë Schefflenger d'Stiir gebueden. Ee staarke Jo Pitzen huet 90' lënks hannen dichtgehaal an nô der Paus, huet ee verwandelten Serge Hoscheid dann och säi Wee fonnt. An der Innenverteidigung hunn de Capitano Serge Guth an de Ben Ruppert d'Truppen souverän geleet. Zweekampfstaark hu sie d'Véirerketten och extrem héich gehaal fir de Schëfflenger hiert Kombinatounsspill ze ënnerbannen.

 

Offensiv hu mir mat éiser Taktik, deenen an der Innenverteidigung schwachen Schëfflenger vill Schwieregkeeten bereet. Schlaag op Schlaag hun sech den Yves, Jérôme an d'Kopfballungeheuer Kiki, Méiglechkeeten an der éischter Halbzeit rausgespillt.

 

Kampfstaark hunn de Pol Petry an de Chris Sauber am Mëttelfeld d'Geschécker gesteiert an éis offensiv Léit mat gudden Ball gefiddert.

 

Eng Leeschtung wou mir onbedengt drop opbauen sollen.

 

Eng top Leeschtung, Männer!

 

"MIR SIN BERBUERG!!!"

Equipe:

Sam Faber; Serge Hoscheid; Serge Guth (c); Ben Ruppert; Jo Pitzen; Chris Sauber; Pol Petry; Wenzel Schommer; Yves Dahm; Jérôme Oswald; Kiki Frank

Reserve:
Max Schrantz (angewiesselt an der 82’ fir den Jérôme Oswald)
Laurent Laugs (angewiesselt an der 88’ fir den Kiki Frank)

 

 

Fr

21

Okt

2016

Eis Jugendequipen am Asaatz: Spillplang fir dëse Weekend

Di

18

Okt

2016

Zum Schluss war ët nach bâl spannend ginn: Berbourg klappt Bieles

The Belval Belvaux - FC Berdenia Berbourg 2:3 (0:2)

 

Béi schéinstem Hierschtwierder konnt eis Equipe 3 Punkten mat heem huelen. Trotz 3 Goaler Virsprong, konnten déi Bieleser zum Schluss nach erukommen, an d'Partie gouf zum Schluss nach spannend.

 

3'  1:0 fir Berbourg, den Ari Boussi verwandelt äiskaal en Handeelëfmeter

 

 

 

5' An dëser Phase spillt Berbourg net gutt, Bieles huet mei vum Match, awer keng kloer Goalchancen.

 

 

 

30' Grousschance fir Berbourg: Nô Gewulls am Strofraum steht den Da Luz alleng um 11m Punkt, schöisst awer iwert den Goal

 

 

 

35' Gutt Chance no Wäitschoss vum Contrino Berbourg kënnt elo e bësse besser an de Match

 

 

 

39' 2:0 Nô engen Corner käppt eisen Charel "Haexler" Weidert de Ball onhaatbar an den Goal

 

 

 

Et steet 2:0 an der Halbzäit

 

 

 

46' Eng Chance fir Bieles, no engem Corner käppt den Stiermer de Ball nëmme knapps laanscht de Goal

 

 

 

60' Gudden Wäitschoss vum Da Cruz no Virlag vum Contrino, de Ball geet knapps iwwer de Goal

 

 

 

70' Et ass kee gudden Match vun beiden Säiten, Berbourg deet sech schwéier op deem klengen Terrain

 

 

 

76' Laatenschoss vum Bieleser Stiermer, dien ongehënnet aus 35m schéisse kann

 

 

 

85' 3:0 No gudder Viraarbecht vum Chris Sauber an dem Ari Boussi, schéisst de Claudio Da Luz alleng virum Keeper eran

 

 

 

87' 3:1 No enger Flank vu lenks käppt de Bieleser Stiermer den Ball propper an den Goal

 

 

 

93' 3:2 No Corner passen eis Jongen net op an fänken sech mach en Géigegoal

 

 

 

Endresultat 3:2

 

 

Fazit:  Och wann een e schlechte Daag huet, kann ee gewannen, an daat huet eis Equipe haut hinkritt. An enger schwaacher Partie kréie mir awer déi 3 Punkten an kenen esou eisen Virsprong op fei 3 Plaatz esouguer ausbauen.

 

 

 

Déi nächst Woch geet et doheem géint e ganz staarken Géigner vu Schëffleng. Och dô zielt eis Équipe op d'Hëllef vu ville Supporter vu Berbourg.

 

 

Équipe: Lima, Weidert, Dos Santos, Kaufmann, Blau, Sabotic, Diop, Contrino, Da Cruz, Boussi, Da Luz

 

Reserve: Faber, Dahm, Sauber. Le Conte

 

0 Kommentare

Mo

17

Okt

2016

Raoul Schummer neie Präsident vum FC Berdenia Berbourg

Nôdiems de Claude Wampach als Präsident démissionéiert hatt, huet de Comité a senger leschter Sitzung de Raoul Schummer eestëmmeg zum neie Präsident bestëmmt.

 

De Raoul Schummer ass 37 Jâr a schafft béi der Cargolux. De Raoul war aktive Spiller vun 1984- 2000 béim Daring Echternach, a vun 2006 - 2009 zu Berbourg. Vun 2009 un ass hien Member vum Comité a vun der Jugendkommissioun, hei war hien och Präsident déi lescht Jâren.

 

Den Daniel Wampach ass 1.Vizepräsident vum Veräin, de Gil Cajao fungéiert als 2. Vizepräsident.

 

Nei am Comité sinn d'Corinne Gansen, d'Jessica Silva an den Tom Hubert.

 

Dem neie Präsident Raoul Schummer wënschen mir vill Gléck an eng gutt Hand a sengen neie Fonktiounen, mat senger frëndlecher Aart a Weis a sengem diplomateschen Geschéck, wäert hien eise Veräin uféieren, an ëmmer en oppen Ouer vir d'Spiller an d'Memberen hunn.

 

Dem Claude Wampach, dien weiderhinn Member vum Comité an der Jugendkommissioun bléiwt, awer och e grousse Merci op dëser Plaatz.

 

Während senger Zäit als Präsident konnt eis 1. Equipe, trotz schwiereger sportlecher Situatioun an der 1. Divisioun bleiwen, de gréisste sportleche  Succès an der Geschicht vum Veräin. Dô derniewt steet den FC Berdenia Berbourg awer och finanziell an administratif op stabile Been, a ka berouegt an d'Zukunft kucken.

 

Merci Claude, bonne chance Raoul!

Mi

12

Okt

2016

Berbuerg gëtt d’Tabellespëtzt oof un d’Millebaach

 

FC Berdenia Berbourg – Blue Boys Mühlenbach  1:2 (1:1)

 

 

 

Am laang erwaarden Spëtzenduel am zweeten Bezierk vun der éischter Divisioun kann sech d’ Millebaach verdéngt mat 1 - 2 zu Berbourg duerchsetzen an ass domadder elo alleng un der Spëtzt vun der Tabell.

 

 

 

Vun Ufank un huet een gesinn dass d’ Millebaach besser am Match war ewéi eis ersatzgeschwächten Berbuerger Equipe. Se hu relativ héich gepresst an Berbourg hat doduerch Problemer hiren Fussball ze spillen. Esou huet den Faber an deenen éischten 10 Minutten direkt 2 mol missen entscheedend angreifen fir säin Goal ze verteidegen.

 

 

 

An der 11 Minutt war et dann u Berbourg eng éisht grouss Chance ze hunn, wéi de Boussi ganz gutt vum LeConte an d’Déift gescheckt gëtt, sech géingt säi Géigner duerchsetzt, an am Strofraum den Ball knapp laanscht den Goal schéisst.

 

 

 

Quasi am Géigenzuch kënnt e laangen Ball vum Innenverteideger aus der Millebaach iwwert eis Verteidegung an de Strofraum, wou no groussem Chaos den Stiermer et am Noschoss ereicht hikritt den Ball an den Goal ze schéissen. Domadder stoung et dann 0:1 fir de Gaascht.

 

 

 

Nom Geigengoal koum Berbourg allerdéngs ëmmer besser an de Match an hatt bis d’ Paus och d’ Iwwerhand. Virun allem den Boussi an den Da Luz hunn sech emer erëm Chancen erausgespillt, hunn et awer net hikritt den Goal ze treffen.

 

 

 

An der 31 Minutt setzt sech den Contrino op lenks gutt géingt säin Géigenspiller duerch an flankt den Ball an d’ Mëtt wou e Verteideger en kloert Handspill mécht. Den Arbitter weist doropshin ouni ze Zecken op den Punkt. Aus enger Distanz vun 11M schéisst den Boussi dann den Ball sécher an den Goal.

 

 

 

Esou dass et an der Halbzeit 1:1 stoung.

 

 

 

No der Paus huet d’ Millebaach dunn den Drock op eis Faarwen nach eng Kéier erhéicht, waren vill méi aggressiv um Ball an hunn eis virun ganz grouss Problemer gestallt.

 

 

 

Obwuel den Drock ganz héich war an d’Millebaach ganz vill Ballbesëtz hat konnten se sech net all ze vill Chancen eraus spillen, geféierlech waren se just duch eng grouss Unzuel un Waitschess.

 

 

 

Berbourg huet sech zeréckgezunn an op Konterchancen gehofft, déi kruten se dann och an der 80 Minutt. Wei den Da Luz vum Toppméller gutt an scene gesat gëtt an alleng virum Goalkeeper steet kann hien allerdéngs den Ball net eraschéissen.

 

 

 

Wei jiddereen sech schonn mam Gläichspill offonnt hat mëscht en Spiller vun der Millebaach en ganz staarken Sololaaf bis an eisen Strofraum an leet den Ball propper eriwwer wou säin Coéquipié den Ball just nach an den Goal muss drécken.

 

 

 

Berbourg verléiert den Match an leschter Minutt mat 1:2

 

 

 

Fazit: An engem Match géingt e Géigner dee besser war, hunn eis Jongen gutt gekämpft an dem staarken Géigner d’ Liewen ganz schwéier gemaach. Se verléieren an leschter Minutt de Match an d’Tabellenveierung, hunn awer gekämpft bis zum Schluss an hinnen ass keen Virworf ze maachen.

 

 

 

Nach si mir op enger gudder zweeter Tabellenplaatz an wëllen elo déi Platz mat allen Mëttelen verteidegen. Dofir brauchen d’ Spiller awer weiderhin d’ Hëllef vun den Fans an dat schonn nächste Sonndeg zu Bieles, wou mir erem wellen op d’ Gewënnerstrooss ofbéien.

 

 

 

Equipe: Faber; Dos Santos; Kaufmann; Sauber; Blau; Sbotic; Diop; Contrino; Le Conte; Boussi; Da Luz

 

Reserve: Hristov; Toppmöller; Ruppert; Dahm; Da Cruz

 

Mo

03

Okt

2016

Remis am Derby zu Jonglënster

An engem haart ëmkämpften Match viru ville Berbuerger Supporter konnt eis Equipe ee Punkt mat heem huelen a bléift weiderhinn und der Tabellespëtzt.

 

Hei de Liveticker vun dëser spannender Partie:

 

3' 1:0 Nôdeems ee vun eisen Verteideger laanscht den Ball rennt, bestroft de Lënster Stiermer daat äiskaal.

 

10' Nô engem Fraistouss setzt Jonglenster am Nôschoss de Ball un d’Laat:

 

12'  1:1 Mat engem fantasteschen Wäitschoss schéisst den Da Cruz den Ausgläich fir eis Faarwen

 

25' Gutt Chance durch den Boussi, hien gëtt vum Da Cruz herrlech an d’Déift gespillt, mee alleng virum Keeper setzt en de Ball knapp laanscht de Goal

 

29' Dës Kéier steet dem Boussi d’Laat vum Goal am Wee, wéi en alleng Richtung Goal zitt. E gouff vun engem wonnerbaaren Pass vum LeConte an Szeen gesaat

 

32' Alt erëm leeft de Boussi alleng op den Goal, dës Kéier paréiert de Keeper de Ball awer gutt.

 

43' Chance fir Jonglënster. Nô engem Fräistouss op den 2 Poteau käppt de Lënster Spiller laanscht de Goal

 

Halbzäitresultat 1:1

 

50' Grouss Chance fir de LeConte, op gutt Virarbecht vum Boussi, mee hien scheitert leider um Keeper

 

55’  Gudden Wäitschoss vum Pires, den Ball geet net wäit laanscht den Goal

 

62'  Nach eng Kéier ass et de Boussi deen d’Eisen vum géignerechen Goal trëfft mat engem Schoss vum 16m no gudder Viraarbecht vum Da Luz

 

65' No enger Flank vu Jonglënster rennt hieren Stiermer laanscht de Ball, eng geféierlech Aktioun

 

85’ Grouss Chance fir Lënster no engem Corner kraatzt eise Verteideger den Ball vun der Linn

 

Endresultat 1:1

 

Fazit:  Berbourg haat dei méi kloer Goalchancen, an häet déi 3 Punkten éischter verdéngt wéi Jonglënster. Mir bleiwwen weiderhinn ongeschloen un der Tabellenspëtzt, a wëllen dës Plaatz déi nächst Woch géint d’Millebaach verteidegen.

 

E groussen Merci un déi ganz vill Berbuerger Zuschauer, dei d’Equipe mat haarder Stëmm de ganzen Match iwwer ënnerstëtzt hunn. Hoffentlech sidd Dir nächste Sonndeg och all motivéiert fir dann erëm eis Équipe vu baussen unzefeiern. Dofir scho mol e groussen MERCI !

 

Équipe : Lima, Dos Santos, Diop, Kaufmann, Sauber, Sabotic, Le Conte, Contrino, Da Cruz, Da Luz, Boussi

Reserve: Faber, Toppmöller, Pires, Dahm, Schuster

 

 

 

 

 

Fr

30

Sep

2016

De Comité seet de Sponsoren vun engem Matchball e grousse Merci

Di

27

Sep

2016

Mullenowend vum Berdenia Berbourg

MullefestAffiche2016.pdf
Adobe Acrobat Dokument 5.5 MB

Di

27

Sep

2016

Generalversammlung 2016 - Positiver Rückblick und Ausblick in allen Bereichen

 

Am Dienstag 20.09.2016 wurde die Generalversammlung des abgelaufenen Geschäftsjahres 2015/2016 des FC Berdenia Berbourg im Centre Culturel Beaurepaire in Berburg abgehalten. Im Beisein zahlreicher Gemeindevertreter, Spieler und Mitglieder eröffnete Präsident Claude Wampach die Versammlung. In seiner Ansprache bedankte er sich bei seinen Kollegen aus dem Vorstand, den Gemeinden Bech und Manternach, den einzelnen Mannschaften, allen Anhängern, Sponsoren sowie freiwilligen Helfern und ging auf die sportliche Leistung der Senior- und Jugendmannschaften ein.

 

Nach einer sportlich schweren Saison, spielt die erste Mannschaft weiterhin in der 1. Division und die Reservemannschaft in der 2. Klasse. Der Kader wurde konsequent verstärkt so dass die neue Spielzeit hoffentlich weiterhin erfolgreich gestaltet werden kann. Ein positives Fazit der organisatorischen und sportlichen Entwicklung wurde auch für den Jugendbereich gezogen und die gute Zusammenarbeit mit den Vereinen CS Grevenmacher und FC Jeunesse Biwer in der Jugendentente gelobt.

 

 

Neben seiner Hauptaktivität als Sportverein, ist der FC Berdenia Berbourg auch karitativ und kulturell engagiert. Anfang letzter Saison beteiligte sich der Verein an einer Sammlung von Sportkleidung der Organisation „Man to Human“ und kürzlich erfolgte eine Spende an „Médecins du Monde“. Zudem organisiert der Verein etliche Events die insgesamt rund ein Drittel aller in Berburg stattfindenden Feste ausmachen, allen voran das Elfmeterturnier „Kings of Penalty“ das jedes Jahr am zweiten Juniwochenende seinen festen Platz im Kalender hat.

 

 

Nach dem Tätigkeitsbericht von Sekretär Raymond Lahr, einem Einblick in die Aktivitäten der Jugendentente von Jugendleiter Raoul Schummer, sowie dem stets amüsanten und lehrreichen Kassenbericht von Schatzmeister Stephen Atkinson, wo das positive Finanzresultat nur eine untergeordnete Rolle spielte, wurde der Vorstand für seine vorbildhafte Leistung im abgelaufenen Jahr von den Mitgliedern entlastet.

 

Außerdem wurden zwei langjährige Vorstandsmitglieder verabschiedet. Marc Pitzen (5 Jahre im Vorstand) und Bob Kohnen (über 10 Jahre) gebührt ein großes Lob für die geleistete Arbeit in den letzten Jahren. Um seine zahlreichen Aktivitäten auch weiterhin zu bewältigen, wird der Vorstand durch Jessica Da Silva, Corinne Gansen und Tom Hubert verstärkt.

 

Abschließend verkündete Präsident Claude Wampach dass er zukünftig wohl noch dem Vorstand beiwohnen wird, jedoch nicht mehr in der Rolle des Präsidenten. Der neue Präsident wird Anfang Oktober vorstandsintern ermittelt und bekanntgegeben. 

 

Di

27

Sep

2016

Veteranen verléieren knapp zu Wincheringen

 

Nôm 3:3 Gläichspill zu Laser (Langsur, D) an dem intensiven 4:3 Erfolleg doheem géint Itzeg, sin déi Berbuerg Veteranen um Méindeg Owend zu 9 Mann zu Wincheringen (D) um Sportplatz ugetrueden.

 

Mat zwee Mann Ennerzuel huet et dann och no den éischte Minutten no enger Packung ausgesin wéi Wincheringen séier mat 2:0 konnt a Féierung goen. Duerno hu sech déi Berbuerger awer rëm fonnt an hunn de Match besser an de Grëff kritt. An der Mëtt vun der éischter Halschent gëtt de Frank vum Huss an d’Déift geschéckt, deen setzt sech op lénks duerch a leet de Ball riwwer op den Hoffmann deen op 2:1 verkierze kann.

 

Kuerz drop as et nach eng Keier de Frank, deen wärtvoll Viirarbescht leescht fir dem Mergen säin Ausgläich aus ronn 16 Meter. No der erneiter Féirung fir d’Haushären konnt Berbuerg awer direkt zréckschloen. Op Virarbescht vun Huss an Hoffmann, markéiert den Hurt aus kuerzer Distanz rëm den Ausgläich.

 

 

No der Paus huet d’Kraaft an d’Ausdauer net nëmmen bäi den deziméierte Berbuerger nogelooss, sou dass nach just de 4:3 op eng gutt Eenzelaktioun fir Wincheringen gefall ass. An der Schlussphase, kann de Bossers suguer nach en Eelefmeter paréieren, deen en eigentlech selwer duerch e mësslongenen Ofworf ageleed hat. E Puer Minutten viru Schluss aas dunn d’Flutlicht weinst engem Kuerzen ausgefall, sou dass de Match fréizäiteg ofgepaff gin as a Wincheringen mat 4:3 gewënnnt.

 

 

Merci all de Leit déi matgespillt hun, an och e Merci un eis Kollegen vu Wincheringen, déi eis gutt empfaang hun, a mat deenen mir den Owend bei enger gudder Hax an e puer Béier ausklénge gelooss hun.

 

 

Equipe: Yves Bossers, Änder Saeul, Claude Hoffmann, Sven Ekelmann, Steve Ekelmann, Claude Mergen, Dan Huss, Laurent Hurt, Christophe Frank

 

 

 

 

 

Mo

26

Sep

2016

Ongeschloen an den Hierscht : Berbourg gewënnt 4:2 géint Bartreng

Gëschter sollten net nëmmen Temperaturen aussergewéinlech hëtzeg bleiwen. Den Zuschauer gouf eng Partie gebueden, déi dem Wierder an näischt nostoung an zum Enn kann eisen FCBB sech mat 4:2 géint Bartreng behaapten.


No e puer Minutten hat den Daniel Contrino déi éischt gutt Geleeënheet fir eis Faarwen, wei en alleng konnt op de Keeper duer lafen. Hien kritt de Ball och lanescht dësen, mee leider och lanescht de Goal.


An der 18 Minutt sollt den Ari Boussi et dann besser man. Och hien ass alleng duerch a knuppt de Ball laanscht de Keeper zum 1-0 eran. D’Freed sollt awer nëmmen vu kuerzer Dauer sinn. Eng Minutt drop kritt Barteng e Fräistouss 20 Meter virun eisem Goal. Eis Mauer stoung allem Uschäin no net richteg an de Ball schléit zum 1:1 an.

 

An der 31. Minutt dann den 1.2 fir Bartreng. E vun hiren Spiller gëtt am Strofraum ëmgerappt an den Arbitter weist op den ominéisem Punkt : Sécher verwandelt, keng Chance fir de Luis Lima am Berbourger Goal. Mat deem Resultat sollt et dann och an Paus goen.


Eisen Trainer huet sécherlech déi richteg Wierder fonnt, well mat ganz vill Elan kommen eis Jongen zréck op den Terrain. An der 54. Minutt fält dann den Ausgläich. Den Daniel Contrino gëtt schéin ugespillt a behält dës Kéier virum Keeper t’Iwwersiicht a schléisst äiskal zum 2:2 of.


Duerno sollten t’Evenementer sech iwwerschloen. Ee vun eise Verteideger verschätzt sech bei engem laange Ball an kann sech just nach mat engem Foul un der Stroofraumgrenz hëllefen. Den Arbitter huet dëst Foul zum Entsetzen vun alle Berbourger am Stroofraum gesin an nees op den Eelefmeterpunkt gewisen. No ville Reklamatiounen an och no Récksprooch mam Linienrichter huet den Arbitter seng Decisioun confirméiert.
De Schütze vum 1:2 ass nees ugelaf, mee dës Kéier konnt de Luis Lima géint säin fréiere Matspiller brilléieren andeems en den gutt geschossenen Eelefmeter hält.


Domat war et awer dunn nach net gedoen. Bei der nächster Aktioun ka sech de Michael Blau och just mat engem Foul hëllefen. Well en scho giel verwarnt war huet en dunn folglech missten mat giel-rout vum Terrain.


Eis Jongen hunn also missten eng hallef Stonn an Ënnerzuel spillen a Bartreng huet weiderhin vill Drock ausgeüübt an eis Equipe och virun deen een oder anere Problem gestallt. Mir hunn awer den onbedéngte Wëllen gewisen, fir en positiivt Resultat ze erzwéngen.

 

An der 80. Minutt kenne mer e Konter lancéieren, den agewiesselten Tommy Toppmöller stécht den Ball op den Claudio da Luz duerch an dësen mécht alleng virum Keeper all seng Erfahrung geltend a schiebt zum 3:2 vir eis eran.
Déi nächst 10 Minutten sollten dunn natierlech vun Bartrenger Ugrëffer gepräägt sinn, mee mir konnten weiderhin gutt verteidegen a wéineg Chancen zouloossen.


An der Nospillzäit dann nach ee Konter an nees gëtt den Claudio Da Luz schei fräi gespillt a schéisst den 4:2 fir eis.


Domat war den Match gehalen an den Här Sales huet eréischt guer net méi ugepaff. Esou kréien mir et hin aus 4 Matcher 12 Punkten ze huelen, chapeau Jongen!


Nächste Sonndeg,den 2. Oktober wäerte mer dann probéieren déi Bilanz auszebauen, wann ab 16:00 den Derby zu Jonglënster usteet.

 

E Merci eisem gudde Kolleg Norbert benner fir déi flott Photoëm, déi hien eis zur Verfügung gestallt huet.

 

 D’Jongen freeë sech iwwert är Ënnerstëtzung.

Equipe: Lima – Kauffmann, Diop, Weidert (C), Blau – Boussi (85. Costa), Sabotic, Leconte (46. Toppmöller), Da Cruz (70. Sauber), Contrino – Da Luz

 

Reserve: Faber, Costa, Sauber, Dos Santos, Toppmöller
Score:
1:0 Boussi (18.)
1:1 (19.)
1:2 (31.)
2:2 Contrino (54.)
3:2 Da Luz (80.)
42 Da Luz (92.)
Besonnesch Virkommnisser:
Lima hällt Eelefmeter (60.)
Giel-Rout fir de Michael Blau (65.)

 

Do

22

Sep

2016

Seniors I: 9 aus 3!

 

Yellow Boys Weiler-la-Tour – FC Berdenia Berbourg 2:4 (2:1)

 

 

An engem héichklassege Match, dee phasenweis wäit iwwert der Moyenne vum Niveau vun der 1. Divisioun louch, konnten sech déi Orange och am drëtte Match behaapten, a bleiwe weider als eenzeg Equipe am Bezierk ongeschloen.

 

 

Mat enormem Tempo hun béid Equipen ugefaangen, woubäi d’Yellow Boys an der 1. Halschent ëmmer en Ticken mei geféierlech waren. Nodeems déi 2 Equipen schon déi eng oder aaner Chance leien gelooss haaten, war et den Claudio da Luz an der 22.Minutt, dee per Kapp nô engem Corner d’Féierung vun den Berbuerger markéieren konnt.

 

 

E Fehler am Spillopbau befierdeelegt dann den Weiler Ausgläich an der 31.Spillminutt, wéi se den 1-1 per Wäitschoss erasetzen konnten.

 

Kuerz virum Téih, an der 39.Minutt, kruuten déi Giel dann een dach zweifelhaften Eelëfmeter zougesprach an konnten sech d’Féierung sëcheren.

 

 

No der Paus awer haat een d’Impressioun, wei wann d’Yellow Boys deem immens heigen Tempo vun der 1. Halschent hu missten Tribut zollen, an déi Berbuerger hun d’Zepter an d’Hand geholl. Op béiden Säiten waren et awer laang d’Goalkeeper, dei erausgestach hun, dei eng etlech richteg gutt Chancen verhënnere konnten.

 

 

Berbuerg huet weider Drock gemaach an koum ëmmer rëm zu geféierlechen Ugrëff. Sou och an der 75.Minutt, wei den Ari Boussi am Stroofraum gefoult gouf an e Stroofstouss zougesprach kruut. Den agewiesselten Tommy Toppmöller markéiert äiskaal.

 

 

Déi Orange hunn nët méi nogelooss a konnten an der 79. Minutt d’Féierung duerch den Ari Boussi markéieren, deen an den Stroofraum zitt a Keeper an Verteidegung keng Chance léisst.

 

 

Schlusspunkt setzt rëm den Da Luz, deen 2 Minutten virun Enn duerch eng Pass an d’Déiwt aleng op de Goal zitt a souverän rasetzen kann.

 

Staark Prestatioun an eng super Reaktioun an der 2. Halschent. Berbuerg verteidegt d’Tabellenspëtzt an leet dee beschten Start an der Veräinsgeschicht hinn!

 

 

FCBB: Lima – Kaufmann, Weidert(C), Dos Santos, Blau – Pires Santos, Sabotic, Diop, Da Cruz, Boussi – Da Luz

 

Reserve : Faber, Contrino, Toppmöller, Le Conte, Sauber

 

 

 

 

 

Di

20

Sep

2016

"Journée sans" fir eis Seniors 2

Spillbericht vum Championnatsmatch vun der Seniors 2

 

 

 

FC The Belval Belvaux - Berdenia Berbourg 6:1 (3:0)

 

              

 

Wieder: Reen 13°

 

Terrain: Syntheteschen (Naass)

 

Zuschauer: +- 40

 

Arbitter:  Weber Sebastien Emmanuel

 

Evolutioun vum Score:

 

1:0 / 2:0 / 3:0 (HZ)

 

4:0 / 5:0 / 5:1 / 6:1

 

 

 

Goaler:

 

Daniel Contrino

 

 

 

Giel Kaart:

 

Schrantz Bob

 

Chennaux Pit

 

 

 

Roud Kaart:

 

//////////////

 

 

 

Fazit:

 

 

“Mir si Berbuerg...”

 

Keng gutt Leeschtung hu mir zu Bieles higeluecht, dat ass dat mannst waat een soen kann. “Un jour sans...” seet de Franzous zu sou enger Leeschtung. Vun Unfank un war eng gewëssen Passivitéit an eisem Spill, sou daat de Géigner ëmmer genuch Plaatz haat fir ze kombinéieren, an sech deelweis ze einfach konnt Goalchancen erausspillen.

 

 

 

Sou huet et och no 3 Minuten fir d’’Eischt an eisem Filet gerabbelt. Keng Reaktioun, keen Aufbäumen, guer an glaat näischt...

 

 

 

Een Géigner dee wuel gutt war, mee bei Wäitem nët de Gabarit vun éisem Coupegéigner Käerjeng haat. Mee do war den Ansaatz an d'Laafbereetschaft eng aner.

 

 

 

Natierlech sin mir nët vum Pech verschount bliwwen... No 10 Minuten huet de Wenzel Schommer missen ausgewiesselt ginn. Bei engem Zweekampf kruut hien mat engem héijen Fouss d’Nues gebrach.

 

 

 

Et gëtt eng ganz haart Saison, wann d’Équipe sech net fënnt, an daat waat se kann nët ëmsetzt. Den nächsten Freideg hu mir géint Wuermer keen faux pas ze gutt.

 

 

 

3 Punkten an soss näischt.

 

„MI SIN BERBUERG!!!“

 

 

 

 

 

Équipe:

 

 

 

Bob Schrantz

 

Serge Hoscheid

 

Ben Ruppert

 

Yves Dahm

 

Chris Sauber

 

Serge Guth (c)

 

Daniel Contrino

 

Dany Leconte

 

Wenzel Schommer

 

Jérôme Oswald

 

André Canarias

 

Reserve:

 

 

Yannick Freitas (angewiesselt an der 10’ fir den Wenzel Schommer)

 

Pit Chennaux (angewiesselt an der 45’ fir den Serge Hoscheid)

 

Jo Pitzen  (angewiesselt an der 60’ fir den Jérôme Oswald)

 

 

 

 

 

Di

13

Sep

2016

Coupe: Seniors 2 verléieren am Eelëfmeterschéissen

Spillbericht vum Coupematch vun der Seniors 2

 

 

Berdenia Berbourg  -  UN Kaerjeng 97 2:4  (nô Eelefmeterschéissen)


 

Wieder: Angenehm 18°

 

Terrain: Syntheteschen

 

Zuschauer: +- 40

 

Arbitter:  Quiterio Diogo

 

Evolutioun vum score:

 

1:0   HZ

1:1

 

2:4 no Eelefmeter

 

Goaler:

 

Daniel Contrino

 

Giel Kaart: Sauber Chris; Guth Serge

 

 

 

Roud Kaart: //////////////

 

 

 

Fazit:

 

 

“Mir sin Berbuerg...”

 

 

Zum Match… Kommt d’nächsten Kéier kucken…  Et war derwärt!

 

 

D’Sensatioun ass éis nët gelongen géint den Favorit aus der éischter Divisioun. Et huet 82 Minutten laang dono ausgesin, daat éisen Plang opgoen géif. Do hun d’Gäscht een Eelefmeter zougesprach kritt deen sie zum Ausgläichstreffer genotzt hun.  Mee leider hun mir éis missen am Eelefmeterscheissen geschloen gin.

 

 

Eng éierbar an stolz Leeschtung hun eis Jongen géint d’Käerjenger hingeluecht. Et war éis am Viirfeld vun dëser Partie bewosst daat et keng normal Partie géing ginn. Éis Jongen sinn hongreg an heiss drop gewiecht dem Klassenprimus aus dem viirleschten Joer ee Fouss ze stellen.

 

 

Taktesch disziplinéiert a mat oppenem Viséier hu mir dem Match eisen Stempel opgedrëckt. Ee brennenden André Canarias ennerstëtzt vun den fantastesch gutt opgeluechten Daniel Contrino an David Schuster hun dem Géigner keng Rouh ginn.

 

Mee och d’Männer ëm den „Capitano“ Serge Guth, de Jérôme Oswald an de Wenzel Schommer hunn am Mëttelfeld déi néideg Mesuren geholl fir d’Spill optimal no fiir ze riichten. Hannen huet éis Véiererketten alles richteg gemaach. Den Ben Ruppert an den Yves Dahm hunn zentral, den Serge Hoscheid an den Chris Sauber op den Aussenpositiounen dicht gehaalen. De Sam Faber huet am Goal alles paréiert waat op d’Këscht komm ass.

 

 

De Steven Dos Santos, Fabien Petry an Pit Chennaux hun bei hiiren Anwiesselungen deen erhofften Impuls bruecht an mir beweisen domat, daat mir nach vill Substanz an eisen Reihen hunn.

 

 

De Jo Pitzen an den Laurent Laugs sinn och een Deel vun daer fantastescher Équipe. Optiounen déi zu all Moment vun der Bänk kommen können an fir déi Konkurrenz suergen fir dat die établéiert Spiller keng Rouh hun.

 

 

Goalchancen haaten mir der méi wei genuch, deen eenzegen Makel deen mir an deem Match zu Daag geluecht hunn, ass dat mer se nët genotzt hunn.

Trotz dem Resultat ass d’Zouversicht grouss an den Elan gestiegen op daer Leeschtung opzebauen fir am Championnat en Samsdeg zu Bieles die éischt 3 Punkten anzesacken.

 

 

„MIR SIN BERBUERG!!!“

 

 

 

 

 

Équipe:

 

Sam Faber; Serge Hoscheid; Ben Ruppert; Yves Dahm; Chris Sauber;Serge Guth ; Daniel Contrino; David Schuster; Wenzel Schommer; Jérôme Oswald;

 

André Canarias

 

 

 

 

 

Reserve:

 

 

 

Steven Dos Santos (angewiesselt an der 45’ fir den David Schuster)

 

Fabien Petry (angewiesselt an der 70’ fir den Daniel Contrino)

 

Pit Chennaux (angewiesselt an der 85’ fir den Steven Dos Santos)

 

Jo Pitzen  (nët angewiesselt)

 

Laurent Laugs (nët angewiesselt)

 

 

 

 

 

0 Kommentare

Mo

12

Sep

2016

Boussi hAttRIck bei der 4:1 Victoire géint Kayl/Teiteng

Union 05 Kayl/Tétange - FC Berdenia Berbourg 1:4 (0:2)

 

Um 2. Spilldaag si mer bei der Union Kayl/Teiteng ugetrueden an hunn domat scho géint den 2. Ofsteiger aus der Eirenpromotioun gespillt. An ähnlech wéi den éischten Match géint Reimech/Bous sinn eis Jongen vun Ufank un mat vill Schwong an d‘Partie gaangen.

Belounung koum dun och schon no 5 Minuten, wei den Ari Boussi eng schéin Aktioun mat engem Schoss an de Wënkel zum 1:0 fir eis Farwen ofschléisst.

Kayl/Teiteng huet duerno besser an d‘Spill fonnt, a si haaten och die eng oder aaner gutt Geleeënheet.

No enger Veirelstonn fällt dann den 2:0 fir Berbourg. Nô enger staarker Eenzelaktioun vum Boussi kann de Keeper säin éischten Schoss nach ofwieren, mee géint den Nôschoss ass en chancenlos.

Nodiems eise Geigner kuerz nôm Goal 2 mol ausgewisselt huet, haate si 2 gutt Chancen fir den Uschlosstreffer ze man, mee den excellenten Luis Lima war all Kéiers um Posten. Sou ass et dann och mam 2.0 an Paus gaangen.

Nôm Téi ass Kayl/Teiteng direkt drockvoll ugelaaf. Entgéint dem Spillfloss ka Berbourg an der 53 Minutt awer den 3:0 schéissen. Den agewieselten Dany Leconte brengt mat enger super Pass an t’Schnëttstell vun der Ofwier den Achmed Boussi an d’Spill, dien alleng virum Keeper dësen nach ausspillt an de Ball am eidelen Goal versenkt. D‘Moral vun eisem Géigner war dunn e bessi ugeknackst an hiert Spill ass mei ruppeg gin.

An der 68 Minutt konnt dunn och eisen 2. Joker stiechen. Nodiems de Keeper no engem Schoss vum Da Luz de Ball nëmmen säitlech konnt ofklatschen, stoung den Idelson Pires goldrichteg fir den 4:0 ze erzielen.

Duerno hun dei Kayler sech duerch eng Ondisziplieiertheet nach eng giel-rout Kaart agehandelt. Trotzdem gelengt hinnen an der 77 Minutt den Eirengoal no engem Schnitzer an eiser Ofwier.

Bei diem Score sollt et awer bleiwen a sou feiert eisen FCBB den 2 Succès am 2. Match a gréisst lo mol eng Woch laang vun der Tabellenspëtzt.

Eng schein Momentopnahm!

Weider am Programm geet et dann réischt Mëttwochs, den 21.09, wa mer um 19:30 h zu Weiler spillen.

Equipe: Lima – Blau, Weidert © (63. Sauber), Dos Santos, Kaufmann – Da Luz, Diop, Sabotic, Da Cruz (46. Leconte), Boussi – Toppmöller (65. Pires)

Reserve : Faber, Leconte, Contrino, Sauber, Pires

Goaler:

1 :0   Boussi 5 min

2 :0   Boussi 15 min

3 :0   Boussi 53 min

4 :0   Pires 68 min

4 :1 77 min

 

So

11

Sep

2016

Op Besuch béi eisem Partnerveräin TuS Buisdorf

Zanter 2 Jâr huet eise Veräin eng Partnerschaft mam däitsche Veräin TuS Buisdorf, aus der Géigend vu Bonn. Duerfir huet eng Délégatioun vum Comité och gäeren d'Invitatioun ugeholl, op der Aweihung vun hierem neien Terrain derbäi ze sinn.

 

De neie Stadion zu Buisdorf besteet aus engem flotten Terrain mat Hybridrasen, Vestiairen a Buvette. D’Membren vum Veräin hunn d'Alentouren a ville Stonnen Eegenaarbecht aménagéiert, den Terrain selwer gouf vun der Gemeng financéiert.

 

 

Mir soën dem Präsident Thomas Bächer an senger Equipe e grousse Merci fir hir Gastfrëndschaft, an déi flott Stonnen déi mer bis elo zesummen verbruecht hunn.

Fr

09

Sep

2016

Seniors 2: Trotz guddem Kampfgeescht eng Néierlaag géint Entente Déifferdeng/Luna

Spillbericht vum 2. Championnatsmatch vun der Seniors 2

 

Ent. FC Déifferdeng 03 / Luna  -  Berdenia Berbourg

2-0

Wieder: Angenehm 22°

Terrain: Syntheteschen

Zuschauer: +- 20

Arbitter:  Schmitt Jean

Evolutioun vum score:

0-1    HZ  0-2  

Goaler:

//////////////

Giel Kaart:

//////////////

Roud Kaart:

//////////////

 

Fazit: “Mir sin Berbuerg”...  Enttäuscht, sou kann een d’Gemidd résuméieren mat deem een d’Heemrees en Fréideg ungetrueden ass. Nët daat d’Resultat an däer héischt net gerechtfertegt wier, dofir war éis den Géigner einfach iwwerléen. Mee den Kampfgeescht an d’Bereedschaft iwwer sech erauszewuessen hätt einfach ee Punkt verdëngt.

 

Et ass einfach net méiglech mat sou Équipen matzehaalen wann een keng Mannschaft 2x hannerteneen opstellen kann fir sou  zu engem Kollektiv ze gin. Vakanzen, Verletzungen, Aarbecht an aaner Verhënnerungen sin éis am Moment einfach zum Verhängnis gin. Mee déi Phase geet och zu Enn.

Zum Match.... Een ganz staark opgeluechten Paul Crelo huet éis Faarwen ëmmer rem am Spill gehaal. Eng dozen Interventiounen gin op sain Konto an hien huet domadder souverän der Équipe den néidegen Reckhalt gin. Mir stoungen taktesch gesin ganz gudd do. Kompakt hun mir dem Géigner d’Stiir gebunden an iwwerfallarteg deen een oder aaneren geféierlechen Konter gesaat.

 

Ee groussen Probleem ass nach ëmmer d’Nervositéit am Spillopbau. Ze onpräzis, ze iwwerhasteg verléieren mir den Ball ze schnell rëm un den Géigner an erlaaben him domat éis ëmmer rem héich ënner Druck ze haalen. Duerch een individuellen Fehler kommen mir och an der 15’ 1-0 an Rëckstand. Zur selweschter Zait an der 2. Halbzeit, an der 60. Minutt kasseieren mir den 2-0, an daat rem op eng “einfach” Art an Weis... Mee mir hun och do rem gudd réagéiert an déi gréissten Goalchance haat den Jérôme Oswald op zouspill vum David Schuster.

Lo heescht et den Fokus op éisen Coupematch den Weekend doheem géint Kaerjeng ze lëen, een Eischtdivisionär mat Ambitiounen.

 

Mir sin Berbuerg!!!

 

 

Équipe: Paul Crelo;Serge Hoscheid; Ben Ruppert; Pit Chennaux; Fabien Petry; Yves Dahm; Serge Guth;Laurent Laugs;David Schuster;Wenzel Schommer;Jérôme Oswald

 

 

Reserve: Leandro Lopes Pereira (angewiesselt an der 45’ fir den Laurent Laugs)

 

 

 

Haut Freideg 9.September 2016 um 20:00 Auer spillt eis 2. Equipe doheem an der Coupe géint Käerjheng. Komm d'Equipe ënnerstëtzen. 

 

 

So

04

Sep

2016

Berbourg verléiert héich an der Coupe de Luxembourg

Wentger - FC Berdenia Berbourg 6:3

Schons an der 2 Minutt déi éischt  grouss Chance fir Wincrange, am 1 zu 2  géint de Wentger Stiermer rett den Faber gutt mam Fouss. Duernô awer och eng gutt Chance fir Berbourg durch den Da Luz, dien gutt an Szene  gesaat gëtt vum Da Cruz, awer da mat sengem lenken Fouss verschéisst

Nô den éischten 5 Minutte déi extrem opregend waaren, dëmpelt de Match onspektakuläir virun sech hin, mat zwar vill Kampf am Mëttelfeld awer och vill Fehlpassen op béide Säiten.

An der 31' nô enger fantastecher Pass iwwer 25m vum Da Cruz, setzt de Boussi sech fir d'éischt géint de Verteideger an da géint de Keeper durch.

An der 33' Goal fir Wentger durch e Fräistouss aus 35m. Dann an der 43' Eelëfmeter fir Berbourg no Hands vum Wentger Verteideger, mee den da Luz verschéisst. Och den 2:1 fir Wëntger an der 52' fällt 
durch en Fräistouss.

Den 3:1 fällt duerch e katastrophalen Aussetzer vun der Berbourger 4er Ketten. De Stiermer steet am Abseits, mir bleiwen all stoen an den Mëttelfeldspiller deen net am Absäits stoung zitt alleng op den Goal a schéisst en eran.

De 4:1 duerch eng schlecht Reckpass  op de Faber, de Stiermer fänkt en of an schéisst en ouni Problem eran. Och de 5:1 fir Wentger fällt erëm durch e Fräistouss. An der 65' dann, nô super Virarbecht vum Dahm verschéisst den Toppmöller am 5m-Raum ouni Keeper am Goal, an der 73' dann awer Goal fir Berbourg durch den Toppmöller no gudder Virarbecht vum Da Cruz.

De 6:2, nô  schlechtem Stellungspill vun engem Berbourger Verteideger, geet de Stiermer vun Wentger alleng op den Goal an lupft de Ball  ganz schéin iwwert de Faber

De 6:3 da vum Pires op gutt Virarbecht vum Da Luz

Fazit: Defensiv e ganz schlechten Match vun eiser Équipe. Méi get et zu deem Match leider net ze soen. Mir hunn hoffentlech Léiergeld bezuelt a kaafen eis nexten Sonndeg gengt Kayl/Teiteng erem.  

Équipe: Faber; Petry; Dos Santos; Weydert; Kaufmann; Diop; Le Conte; Pires; Da Cruz; Boussi; Da Luz
Reserve: Blau Kai; Sauber; Dahm; Toppmöller 


Do

01

Sep

2016

Berbourg wënnt an der Fiels

Berbuerg kënnt gutt an de Match duerch eng grouss Chance fir den Tommy Toppmöller am 1 zu 1 mam Keeper, mee d'Verteideger kraatzen de Ball nach vun der Linn.  

An der 9. Minutt gi mer a Féierung duerch e Kappball vum LeConte nô Fräistouss vum da Cruz. Obschons d'Fiels ëmmer besser an den Match fënnt, gëtt et an der 35. eng weider  Grousschance fir eis Faarwen, no Flank vum Dahm steet den Toppmöller alleng virum Goal, schéisst awer riit op de Keeper.

An der 45. eng  Chance fir d Fiels op Ballverloscht vun eiser Verteidegung hinn,  kritt den Stiermer de Ball a schéisst vun 18m op den Goal. Kee Problem awer fir de routinéierten Bossers am Goal.

Nô engem gudden Freistouss an der 53. vum Da Cruz käppt den Tommy Toppmöller am 5m riit op den Keeper. 

Nô Corner geet den Fielser Spiller alleng an d' Luucht a käppt den Ball eran zum 1:1. 

Mee Berbuerg geet erëm a Féierung nô Eelëfmeter vum Da Cruz an et steet 1:2.

Eng  gutt Aktioun vum Kaufmann, dien nô engem Fräistouss de Ball zréck op den 5m leet, wou den Idelson Pires de Ball just nach eran dréckt, an den Endstand vun 1:3 hierstellt.

Fazit: Géint eng technech gutt Équipe an ouni eng ganz Reih Titulairen vu leschtem Sonndeg huet Berbourg sech relativ schwéier gedoen, an durch Kampf de Match gewonn. En positiven Optakt an der Coupe FLF. Och durch Kampf mussen mol Matcher gewonnen ginn.

2 Bemierkungen zum Schluss: Den Yves Bossers, dien schons viru geraumer Zäit séin Abschied gefeiert huet, huet bewiesen dat hien mat senger Erfahrung a sengem Asaatz, ëmmer nach e ganz gudde Keeper ass. Merci Yves, ob Dech ass ëmmer Verlooss.

E ganz groussen Luew muss awer och un de Chris Sauber goen, dee säi Seniorsdébut als Titulaire gemaach huet mat 17 Joer,  a fantastech 90 Minute gespillt huet. Weider esou Chris!

Équipe: Bossers, Petry, Weidert, dos Santos, Kaufmann, Le Conte, Sauber, Dahm, da Cruz, Toppmöller, Pires.
Reserve: Ruppert, Diop, Blau K.

Di

30

Aug

2016

2. Equipe verléiert 1. Match

Spillbericht vum 1. Championnatsmatch vun der Seniors 2

Berdenia Berbourg  -  FC Munsbach

3-5

Wieder: Waarm 32°

Terrain: Syntheteschen 

Zuschauer: +- 30

Arbitter:

Schockmel Jean-Pierre

 

Evolutioun vum score:

1-1 0-2 1-2  1-3  1-4  1-5  2-5  3-5  

Goaler:

Yves Dahm

Christophe Frank

Sven Luxemburger 

Giel Kaart:

Sam Faber

Roud Kaart:

//////////////////

 

Faszit:

“Mir sin Berbuerg”... Ënnert deem Motto wollten mir een Zeechen setzen, direkt vun Unfank un, weisen daat een gudden Start an dëst Saison trotz den villen “Ausfäll” méiglech wier. 

Et wier och méiglech gewiercht, géint eng Munsbacher Équipe, déi zwar eng staark Offensiv zu Daag geluecht huet, mee definitiv an der Defense ze knacken gewiercht wier. Daat mir keng angespillten an routinéiert Équipe um Terrain stoen haaten huet sech direkt no puer Minutten bemierkbar gemaach. Zevill individuell Fehler am Spillobbau an Stellungsfehler am Entrejeu hun et der Auswärtséquipe einfach gemaach zum Oofschloss ze kommen.

Waat mir onbedëngt zrëck haalen mussen vun dësem mësslongenen Optakt ass daat mir trotz den spillereschen Defiziter, ëmmer “Haerz” bewiesen hun an och beim Score vun 1-5, ëmmer rem probéiert hun éis runzekämpfen.

Den Match hätt och kéinten kippen, wou mir beim Score vun 1-2, eng Hellenwull Chancen ausgelooss hun fir den ausglaich ze markéieren. Mee sou ass den Football an et läit un éis, nächsten Fréideg zu Déifferdèng eng Reaktioun ze weisen.

Mir sin Berbuerg!!!

Équipe:

Sam Faber

Serge Hoscheid

Eric Frondizi

Pit Chennaux 

Chris Sauber

Danny Leconte

Alex Thill

Yves Dahm

David Schuster (c)

Frank Christophe 

Sven Luxemburger 

 

 

Reserve:

 

Kai Blau (45’ angewiesselt fir den Alex Thill)

Jacques Scholtes (45’ angewiesselt fir den Serge Hoscheid)

Laurent Laugs (82’ angewiesselt fir den David Schuster)

Bob Schrantz (nët angewiesselt)

 

 

Mo

29

Aug

2016

Top Start an déi nei Saison


Top Start an dei nei Saison

Mat engem souveränen an och an där Heicht verdingten 6-1 Succès geint t’Union Remich/Bous starten eis Jongen an dei nei Saion.

Vun Ufank un hun die Orange dobai gewisen, wien Här am Haus ass an hun dem Ofsteiger aus der Eirenpromotioun keng Chance geloss.

Schon no 10 Minuten konnten den Ibrahim Diop mat engem platzeierten Schoss aus ronn 17 Meter den 1-0 markeiren.

10 Minuten drop verwert den Nadilson Dos Santos en Corner vum Christophe Da Cruz zum 2-0.

Nëmmen 2 Minuten mei speit: Nexten Corner vum Da Cruz, dës Keier ass et nees den Diop dien zum 3-0 ofschleissen kann.

Remech/Bous wor komplett vum Rouleau, dëst huet Berbourg konsequent ausgenotzt. De Geigner kritt den Ball net aus dem 16er degageiert an den Christophe Da Cruz kann schein zum 4-0 eran setzen.

Direkt nom Goal huet den souveränen Arbitter Reisch de Spiller bei dienen summerlëchen Temperaturen eng Drënkpaus accordeiert.

No dëser war et an der 39 Minuten den Ahmed Boussi, dien mat engm Vollspaanschoss an den lënke Wënkel vun der rietser Stroofraumsait aus den 5-0 markeiert.

No der Paus waren et fir t’eischt eis Gäscht, dei sech an Szene setze  konnten. No engem Feeler an eisem Stroofraum um geignereschen Stiermer weist den Arbitter op den Elefmeterpunkt.

Den Luis Lima am Berbuerger Goal  hält den fällegen Schoss fest, sou dass et beim 5-0 bleiwt.

An der 59 Minutt souguer den 6-0: Den Boussi setzt zum Dribbling un an schleisst souverän of.

Duerno hun eis Jongen e Gang zreckgeschalt. Divers Chancen goufen sech awer nach erspillt, mee se hun zu kengem weideren Goal gefouert.

An der 83 Minutt gelëngt eisen Gäscht dann awer nach den Eiregoal.

Mat enger ganz uerdentlecher Prestatioun kreien mer dann verdingter moossen dei eischt 3 Punkten op eise Konto. Bravo Jongen!

Dës Woch ass dann t’Coupe um Programm:

En Mëttwoch, den 31.08.16 spillen mer um 19.30 h an der Fiels die eischt Ronn vun der Coupe FLF an e Sonndeg, den 4.09.16 steet den eischten Tour an der Coupe de Luxembourg um Programm, wa mer um 16.00 h bei der AS Wëntger untrieden.

T’Jongen freen sech iwert är Ënnerstëtzung.

Opstellung

Lima – Blau, Dos Santos, Weidert ©, Kaufmann – Da Luz , Diop, Sabotic (67. Sauber), Da Cruz (65.Pires), Boussi (60. Dahm)- Toppmöller

Reserve: Pires, Leconte, Petry, Dahm, Sauber

Resultat: Berbourg  : Remich Bous 6-1 (5-0)

Goaler: 1-0 Diop 10 min

                2-0 Dos Santos 20 min

                3-0 Diop 22 min

                4-0 Da Cruz 30 min

                5-0 Boussi 39 min

                6-0 Boussi 59 min.

                6-1 Remich 83 min.

Giel Kaarten: /

Besonnesch Virkommnisser: Lima hält Elefmeter (50 min). 

                

 

0 Kommentare

Di

23

Aug

2016

Berbourg gewënnt d’Coupe Renert Editioun 2016

 

Ganz vill Zuschauer hun sech den 11., 12. an 14. August zu Berbourg am Stade Renert afonnt fir d’Matcher vun der dësjähreger Coupe Renert ze verfolgen. Bei guddem Wierder, fräiem Entrée an enger grousser Iess- an Gedrënksauswiehl war e gudden Encadrement geschaaf.

 

 

Mat den Veräiner vum FC Monnerech, dem CS Grevenmacher an der Union Mertert Wasserbëlleg aus der Eirepromotioun, dem FC Jeunesse Biwer an der Union Sportive Berdorf-Consdorf 01 aus der 2. Divisioun an der Heemequipe stoung och en intressant Teilnehmerfeld prëtt.

 

 

Gespillt gouf an 2 Dreiergroupen mat Matcher vun jeweils 45 Minuten.

 

 

Doneschdegs gouf et dobäi follgend Resultater:

 

 

FC Jeunesse Biwer – FC Monnerech 0:0

 

CSG – FC Monnerech 0:0

 

FC Jeunesse Biwer – CSG 2:3

 

 

Freides gouf et dës Resultater :

 

 

USBC01 – UMW 1:2

 

FC Berdenia Berbourg – UMW 1 :0

 

USBC01 - FC Berdenia Berbourg 0:0

 

 

T’Finallen goufen dunn Sonndes iwert 90 Minuten ausgedroen mat follgende Resultater:

 

 

Spill ëm Plaatz 5:

 

 

FC Jeunesse Biwer - USBC01 5:3

 

 

Spill ëm Plaatz 3:

 

 

FC Monnerech – UMW 2:0

 

 

Finall:

 

 

FC Berdenia Berbourg – CS Grevenmacher 6:0

 

 

Dei Responsabel vum FC Berdenia soen all den Zuschauer Merci fir hieren Besuch, a wënschen all den Equipen dei matgespillt hun eng erfollegräich Saison.

 

 

 

Di

02

Aug

2016

Coupe Renert den 11. 12. a 14. August 2016 zu Berbourg

Affiche Coupe Renert.pdf
Adobe Acrobat Dokument 265.6 KB

Fr

29

Jul

2016

Virbeeredungsspiller vun de Seniors 1

Berdenia Berbourg - Jeunesse Biwer  2:3 

Berdenia Berbourg - Us Boevange 3:0

Alisontia Steinsel - Berdenia Berbourg 7:0 

Berdenia Berbourg - SG Zewen - Igel- Langsur 0:1

CS Grevenmacher - Berdenia Berbourg 1:2

Berdenia Berbourg - SV Konz 1:3

 

De Match géint US Remich-Bous dien dëse Freideg, 05.08.2016 sollt stattfannen ass ofgesôt. 

 

Fr

29

Jul

2016

Aweihung vum syntheteschen Terrain

Virun e puer Wochen hat de Schoulsyndikat SYNECOSPORT vun de Gemenge Bech a Manternach op d'Aweihung vum neien syntheschen Terrain am Stade Renert zu Berbuerg agelueden. Den aalen Terrain war nô 10 Jâr nët méi an engem gudden Zoustand, an huet missen erneiert ginn. 

 

Den neien Terrain erlaabt et dem FC Berdenia Berbourg ënner optimalen Bedingungen Sport ze bedreiwen,  den Terrain gëtt awer och vun de Schoulkanner an der Maison Relais genotzt.

 

Zur Aweihung hunn d'Buergermeeschteren Henri Frank a Camille Kohn, de Minister Nicolas Schmit, de Präsident vun derr FLF Paul Philipp an de Präsident vum Berdenia Claude Wampach d'Wuert ergraff.

 

Vun eiser Säit e grousse Merci un déi politesch Verantwortlech vu Bech a Manternach, an un de Sportministère fir d'Ënnerstëtzung an déi schnell Realisatioun vum neien Terrain.

 

Besonnesch eis 15 Jugendequipen kënnen heivu profitéieren an hier Traininger a Matcher ofhalen. 

 

E Merci och un den Edy Frières fir déi flott Fotoën déi en eis zur Verfüjung gestallt huet,

 

Mi

20

Jul

2016

Kader vun de Seniors 2 an der Saison 2016/2017

Mo

18

Jul

2016

Programm vun de Frëndschaftsmatcher vun eise Seniorséquipen

 

Seniors I

 

Freideg, 22/07/16   19:30

 

FC BERDENIA BERBOURG – US Boevange (Terr. Synt.)

 

 

Dënsdeg, 26/07/16  19.30 h

 

FC Alisontia Steinsel - FC BERDENIA BERBOURG

 

 

Freideg, 29/07/16  18:45

 

Tournoi zu Mertert

 

 

Sonndeg, 31/07/16

 

Finales Tournoi zu Mertert

 

  

 

Freideg, 12/08/16, 19:30 h

 

Coupe Renert zu Berbourg

 

 

 

Sondeg, 14/08/16

 

Finales Coupe Renert zu Berbourg

 

 

 

Samsdeg, 20/08/16 17:00

 

Fc Blo-Waiss Itzeg - FC BERDENIA BERBOURG

 

 

Seniors Réserves

 

Samsdeg, 13/08/16  16:00

 

CS Grevenmacher U19 - FC BERDENIA BERBOURG RÉSERVES

 

Dënsdeg, 16/08/16 19:30

 

FC Olympia Christnach I - FC BERDENIA BERBOURG RÉSERVES

  

 

Dënsdeg, 23/08/16, 19:45

 

FC BERDENIA BERBOURG RÉSERVES – US Mondorf Réserves

 

  

Freideg, 26/08/16, 20:00

 

FC BERDENIA BERBOURG RÉSERVES - Victoria Rosport Réserves 

 

 

Mo

11

Jul

2016

Pupillen : Bravo vir eng aussergewéinlech Saison 2015/2016!

 

Matt 16 Victoiren, engem Remis an enger Défaite an 18 Championnats-Matcher vun der Saison 2015-2016 sin eis Pupillen an hir verdengten Summerpaus gaangen, dëst matt engem Goalverhältnis vun  125:39 !  

 

Zielt en d’Goaler vun den verschiddenen Turnéier dobäi, hun d’Jongen iwwer 230 Goaler an dëser Saison konnten markéieren; Respekt !

 

Et ass awer nët vum selwen gaangen a bei 6 Matcher waren mer nach an der Paus am Reckstand. 5 dovunner hun mer nach zu onsen Gonschten konnten entscheeden. Dëst ënnersträicht t’Moral an den Equipegeescht vun dese Jongen.

 

5 Tournéier konnten mir an der Saison gewannen, dovun den lëschten matt 12:0 Goaler.  2 Mol hu mer eng zweeten Plaatz gemacht, dorënner och um internationalen Tournéier zu Iechternach, wou mir ënnert 16 Equipen just an der Final vum Futsal-Gewënner Schëffleng no Elefmeter gestoppt goufen.

 

Am spektakulärsten war awer den prestigiéisen internationalen Kinder Youth Cup zu Wuermeldeng, wou mir et an d’Finalronn gepackt hun, an eis just matt 1:2 géint t’AS Nancy, 0:1 géint den Virjoresgewënner Troyes an 0:2 géint den dësjähregen Gewënner 1. FC Kaiserslautern hun missten geschloen gin.  

Um Enn sollt eng exzellenten 8. Platz enner 30 Equipen eraus sprangen, domatt waren mir och déi 3. bëscht lëtzebuerger Equipe.

 

Vir t’éischt an 14 Joer iwwerhapt sollt et eng letzebuerger Equipe bei desem Traditiounstournéier an t’Final packen : Menster. Um Wee vir dohinner hun sie ennert aneren den FC Metz matt 3:1 geklappt an an der Finale hun sie sech just missten dem 1.FC Kaiserslautern am Elefemeterschéissen geschloen gin. Grousst Kompliment u Menster !

 

6 Deeg méi spéit hun mir genau des Menster Equipe am Championnat zu Berbuerg konnten begréissen…   An eisem beschten Match vun der Saison hun eis Jongen déi stark Equipe vun Menster  matt 8:4 heem geschëckt.

 

Bravo Gerry, Sam, Pit, Leo, Daniel (d’Spiller vu Berbuerg), Louis, Rico, Christoph, Ayman, Bryan, Tomas M, Tomas P, Enzo, Ben a Lenny (d’Spiller vu Maacher) vir déi aussergewéinlech Saison.

 

Maacht weider esou Jongen, dann kréien de Berbuerger a Maacher Veräin matt iech nach vill schéin Momenter. Och eisem Ententepartner, dem CSG an virun allem dem Lui, Leon an Gerry en decken Merci vir déi gudd Zesummenarbecht iwwert déi komplett Saison.

 

Félicitatiounen vum ganze Comité an der Jugendkommissioun vum FC Berdenia Berbourg fir dës stark Saison, a Merci och un d’Traineren fir déi vill Aarbecht, déi Dir Iech gemach huet.

 

Spiller an Trainer, mir sinn houfreg op Iech Alleguerten.

Do

07

Jul

2016

Kader vun de Seniors 1 an der Saison 2016/2017

Mi

06

Jul

2016

Seniors 1: Frëndschaftsmatch géint FC Jeunesse Biwer

Am Kader vun der Aweihung vum neien syntheteschen Terrain zu Berbourg, duerch de Schoul- a Sportsyndikat Synecosport, fënnt dëse Freideg, 8. Juli  2016 um 20:00 Auer en interessanten Frëndschaftsmatch statt.

 

Zum Optakt vun der neier Saison geet ët am Lokalderby, um syntheteschen Terrain, géint d'Equipe vu Jeunesse Biwer. Béid Veräiner hu sech an der Summerpause gutt verstäerkt, dëse Match bitt eng éischt Geleeënheet, d'Neizougäng an déi aal Spiller um Terrain an Aktioun ze gesinn.

 

Fir Gedrenks a Gegrills ass gesuergt. 

 

Do

30

Jun

2016

Tim Höfer kënnt op Berbourg

Tim Höfer, 22 kënnt vun der DJK St. Mathias Trier (Photo: fupa.net)
Tim Höfer, 22 kënnt vun der DJK St. Mathias Trier (Photo: fupa.net)

 

Als leschten Transfert an dëser Summerpaus, konnt den FC Berdenia Berbourg nach den 22 Joer aalen Defensivakteur Tim Höfer verpflichten. Hien war bis elo den Teamkolleg mam Michael Blau zesummen bei der DJK Matthias Trier, dien jo bekanntlech och bei eis wiesselt, a kënnt fir eis  Defensivreihen ze verstäerken.

 

 

Domadder sin dann all eis Transfertaktiveiten oofgeschloss.

 

Di

21

Jun

2016

Vill Changementer zu Berbuerg

Hei de Resumé vun all eisen Kaderbewegungen an der Summerpaus:

 

Wéi schonn bekannt war, hänkt den Tom Hubert seng Fussballsschong un den Nol an geet an seng wuelverdéngten Pensioun. Gläichzäiteg wiesselt den Marius Reiter aus zäitlechen Grënn erëm zréck bei säin Heemechtsveräin, den SV Schleid an den Dan Huss wiesselt op d’US Mondorf, wou en sech em d’zweet Equipe këmmeren wiert.

 

Verloossen mécht eis zudeem den Serge Thies deen et beim FC Biwer probéieren dierf. D’Ofgäng vum Julian Roderich an Can Kiral waren jo schonn während der Réckronn beschloss gin. Den Jannick Stommes pauséiert ee Joer, fir sech vun sengen villen Verletzungen ze erhuelen. Mam Nico Hartmann, deen an der Wanterpaus zu eis gestouss ass, gouf net méi verlängert, genausou wéi mam Noé Kohl an Jerry Boever, si falen un hiren Heemechtsveräin zréck.

 

Leider verléisst eis dann och eisen Kapitän: De “Frigo”, den Filipe Dias Ramada zitt et aus Distanzgrënn bei den Opsteiger op Izeg. Hien wäerten mer dann erëm als Géigner zu Berbuerg begréissen kënnen.

 

All den Jongen vun Veräinssäit aus een groussen Merci an mir wënschen hinnen natierlech Bonne Chance bei hiren neien Aufgaben.

 

Lo awer zu eisen Neizougäng:

 

Wéi och schonn vermellt, kënnt bekanntlech den Ibrahim Diop als Spiller-Co-Trainer vun Monnerech. Den Sven Luxemburger stéisst als Stiermer vun der SSG Mariahof zu eis an den Nadilson Dos Santos kënnt als Verteideger vum Fc Mamer.

 

Vun der DJK St. Mathias Trier kënnt de Michael Blau (22) eis defensiv verstäerken, säi Bruder de Kai Blau (24), wiesselt och bei eis, a kënnt als Verteideger vun der SV Olewig.

 

Vun Bartreng kennt een erfuerenen Keeper bei eis, den Luis Lima (35). Aus der Millebaach kennt een flénken Mëttelfeldspiller, den Idelson Pires (33). Dann confirméieren mer och lo deen Transfert, deen och schonn an der Press stoung: Vun CS Oberkorn kennt den Christophe Da Cruz (32) bei eis, fir eist Mëttelfeld ze stabiliséieren.

Dann kënnen mer eis déi nächst Saison och op d’Asätz vun 2 fréier Nationalspiller freeën: Den Ex-Kapitän vum Stater Racing, den Ernad Sabotic (35) probéiert no schwéierer Verletzung erëm Fouss ze faassen. Hien war läscht Saison zu Weiler, allerdéngs ouni Asaatz. Och vun Weiler kënnen mer dann op d’Servicer vum Stiermer Claudio da Luz (36) zréckgräifen. Hien huet eis déi läscht Joren oft genuch bewisen, zu wat en nach fäheg ass, elo kann en eis eppes erëmginn.

 

Een weideren Stiermer hu mer vun Éinen verflicht: Den André Costa (23) kënnt vum FC Vinesca a wunnt zu Berbuerg.

 

Vun der Union Remich/Bous kënnt den Yannick Freitas (18) – Mëttelfeldspiller, sou wei och vun der US Berdorf/Consdorf den Laurent Laugs (18). Als Oofwierspiller hu mer eis dann och zousätzlech mam Chris Sauber (18) vun Grevenmacher verstäerkt.

 

Zu gudder läscht, hu mer dann och nach een neien Seniors Réserves Trainer: De Jorge Freitas kënnt vun der US BC01 an këmmert sech em eis zweet Equipe. Eis Reserven stinn och dëst Joer rem op eegenen Féiss, nodeems d’Entente mam CS Grevenmacher eis net déi erhofften Resultater bruecht huet.

 

Dier gesitt, et huet sech ganz vill gedoen. Mat eisen neien Rekrutementer erhoffen mer eis, déi nächst Zäit rëm a méi rouegen Gewässer vun der Tabell kënnen ze stoën an rëm méi Stabilitéit an eis Equipe ze kréien.

 

All eisen Neien heeschen mer op dëser Platz natierlech “Häerzlech Wëllkomm” an wënschen hinnen Bonne Chance bei hiren neien Aufgaben.

 

Mo

20

Jun

2016

Bambinis gewannen de Globus Cup zu Jonglënster

Während eis âner Equipen schon an der Summerpause sinn, haaten eis jéngst Spiller e schéinen Succès zu Jonglënster um Globus Cup.

 

D’Jongen hunn ganz gutt gespillt, all hier Matcher gewonnen, a kee Géigegoal kasséiert. Schléisslech gouw ët jo och eng grouss Coupe ze gewannen, wéi ët se nët op all Tournoi gëtt, ausserdem hunn se och nach e Bong fir 10 Bäll am Wert vun 300.-€ mat op Berbourg geholl. Den Trainer Pol Crelo ass ganz houffreg op seng Equipe, an d'Jongen hunn sech immens gefreet.

 

Berbourg - Junglinster 3:0

Berbourg - Echternach 3:0

 

Berbourg - Itzig 2:0     

 

Berbourg - Rambrouch 3:0             

Halleffinal Berbourg - Hostert 1:0                

 

Final Berbourg - Rambrouch 1:0                     

 

 

 

 

So

12

Jun

2016

Penalty 2016: E fantastescht Fussballfest!

D'2016er Editioun vum Kings of Penalty war erëm e fantastescht Fest ronderëm de Fussball!

 

E Freideg ass et lass gangen mam Concert Evening, an dat e Fussballveräin och Kultur kann huet de Berbuerger Fussball bewiesen. Nô engem flotten Concert vun der Bech-Berbuerger Musek, stoung duernô bis spéit an d^Nuecht eran Festivalstëmmung um Programm mat de Gruppen Timeless an a Tribute to ACDC.

 

E Samsdeg war muencher een nach midd, wéi et um 11:00 Auer mat den Aschreiwungen lass gangen ass. 82 Equipen mat iwwer 450 Spiller sinn ugetrueden, an trotz lichtem Reen dien et zäitweis gouw, war d'Stëmmung perfekt. Nô 7 Stonnen Eelefmeterschéissen an iwwer 4000 Penaltiën, huet d'Equipe The Legends ronderëm den Dan Huss, den Tournoi gewonnen.

 

All Spiller aus dëser Equipe konnt e Lap-top mat heem huelen, gesponsert vun der Computerfirma EYE-T vu Manternach.

 

Dem Comité bleiwt Merci ze soën un all Léit déi gehollef hunn, dat dëst Fest esou e groussen Succès war. Virop der Penaltyskommission, ouni sie an hier vill Aarbecht, déi schons fréi am jâr lass geet, kéint dëst Fest nët stattfannen. Da geet e Merci un eis vill Sponsoren fir hier finanziel Ënnerstëtzung. E weidere Merci un all déi, déi gehollef hunn, un eis Spiller, der Jugendkommissioun, der BBM, an alle Privatléit a Frënn vum FCBB.

 

Och e Merci un déi 450 Spiller, déi  ugetruede sinn, ënner hinnen och d'Spiller an de Comité vun eisem Partnerveräin TuS Buisdorf, déi mat 2 Equipen ugereest waren.